En virtude da Resolución do tribunal do 16 de abril de 2018 (DOG número 80, do 25 de abril) elevouse a definitiva a proposta de aspirantes que superaron o proceso selectivo para o ingreso na categoría 003 (ordenanza e outras) do grupo V de persoal laboral fixo da Xunta de Galicia, en prazas reservadas para seren cubertas por persoas que acrediten discapacidade intelectual, convocado pola Orde do 25 de febreiro de 2016 (DOG número 45, do 7 de marzo).

Unha vez verificados os requisitos exixidos nas bases da convocatoria e realizado o acto de elección de destino previsto na Orde do 24 de maio de 2018 (DOG número 103, do 31 de maio), esta consellería, de acordo co previsto no V Convenio colectivo único para o persoal laboral da Xunta de Galicia,

DISPÓN:

Primeiro. Nomear persoal laboral fixo da Xunta de Galicia e adxudicarlles destino definitivo ás persoas que figuran relacionadas no anexo.

Segundo. As persoas nomeadas persoal laboral fixo da Xunta de Galicia e adxudicatarias definitivas dos postos de traballo relacionados no anexo disporán do prazo dun mes para tomaren posesión dos seus destinos, de conformidade co disposto no artigo 13 do V Convenio colectivo único para o persoal laboral da Xunta de Galicia.

O prazo de toma de posesión comezará a computarse a partir do día seguinte ao da publicación desta orde no Diario Oficial de Galicia.

Terceiro. Contra esta orde, que pon fin á vía administrativa, poderase interpoñer, con carácter potestativo, recurso de reposición, perante a persoa titular da consellería competente en materia de función pública, no prazo dun mes contado desde o día seguinte ao da súa publicación, ou directamente recurso contencioso-administrativo, no prazo de dous meses contados desde a mesma data, ante o Xulgado do Contencioso-Administrativo de Santiago de Compostela, de acordo cos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 8 de xuño de 2018

Valeriano Martínez García
Conselleiro de Facenda

ANEXO

Núm.	DNI	Apelidos e nome	Posto elixido	Grupo	Categoría	Denominación	Código do posto	Centro de destino	Centro directivo	Concello
1	76873358K	Souto Sieiro, María					Excedencia voluntaria por incompatibilidade prevista no artigo 24.5 do V Convenio
2	48897363F	González Fontanals, Carlos	4	V	3	Ordenanza	PSC9932001900	Consellería de Política Social	Xefatura Territorial de Ourense	Ourense
3	44817598M	Martínez Gomila, Francisco Javier	2	V	3	Ordenanza	PRC0215770900	Vicepresidencia e Consellería de Presidencia, Admóns. Públicas e Xustiza	Secretaría Xeral Técnica	Santiago de Compostela
4	32844488M	Barreiro Barco, Magdalena	3	V	3	Ordenanza	SAC9915001900	Consellería de Sanidade	Xefatura Territorial da Coruña	A Coruña
5	44813570W	Carballo Benito, Manuel	1	V	3	Ordenanza	PX10115770900	Presidencia da Xunta de Galicia	Secretaría Xeral da Presidencia	Santiago de Compostela
6	44473823B	Rey González, Jacobo	5	V	3	Ordenanza	MRC9932001900	Consellería do Medio Rural	Xefatura Territorial de Ourense	Ourense