O director da Axencia de Protección da Legalidade Urbanística, o día 27 de abril de 2018, ditou resolución pola que se desestima o recurso potestativo de reposición interposto por José Ramón Salgueiro Méndez contra a Resolución do 20 de abril de 2015 ditada polo director da Axencia de Protección da Legalidade Urbanística, pola que se impón unha sanción a José Ramón Salgueiro Méndez e outra, como responsables da comisión dunha infracción grave tipificada na Lei 22/1988, do costas, en calidade de promotores das obras, e ordena a restitución das cousas e a súa reposición ao estado anterior á comisión da infracción, a cuxo efecto deberán proceder á completa demolición da totalidade das construcións e instalacións sitas no lugar de Arnosa, 38, Vilalonga, no termo municipal de Sanxenxo, Pontevedra, confirmando en consecuencia a resolución impugnada e alzando a suspensión do acto administrativo obxecto de impugnación.

Ao non poderse realizar a notificación persoal daquela resolución a José Ramón Salgueiro Méndez, mediante a presente cédula, e ao abeiro do disposto no artigo artigo 44 da Lei 39/2015, do 1 de outubro, do procedemento administrativo común das administracións públicas, notifícaselle ao interesado a dita resolución por medio dun anuncio publicado no Boletín Oficial del Estado.

Tendo en conta que, en atención ao previsto no artigo 46 da Lei 39/2015, do 1 de outubro, do procedemento administrativo común das administracións públicas, o acto non se publica na súa integridade, fáiselle saber ao interesado que o texto íntegro da resolución que se notifica encóntrase ao seu dispor nas dependencias da Axencia de Protección da Legalidade Urbanística sitas no Edificio Witland, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación desta cédula no Boletín Oficial del Estado. Transcorrido o dito prazo a notificación entenderase producida.

Contra a dita resolución, que é definitiva en vía administrativa, cabe interpoñer recurso contencioso-administrativo ante o xulgado do contencioso-administrativo da circunscrición onde radique o inmoble afectado, conforme o disposto no artigo 14.1.2ª, da Lei 29/1998, do 13 de xullo, reguladora da xurisdición contenciosa-administrativa, no prazo de dous meses contados desde o día seguinte ao da súa notificación, segundo o disposto no artigo 46.1 da citada lei.

Para que conste, e lle sirva de notificación ao citado interesado en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino esta cédula.

Santiago de Compostela, 22 de maio de 2018

José Antonio Cerdeira Pérez
Director da Axencia de Protección da Legalidade Urbanística