Eu, Mª Manuela García Jalón de la Lama, letrada da Administración de xustiza do Xulgado de Primeira Instancia número 5 de Santiago de Compostela, fago saber que nos autos de xuízo verbal número 496/2017 se ditou Sentenza número 12, cuxo encabezamento e resolución son do teor literal:
«Sentenza
En Santiago de Compostela o 15 de xaneiro de 2018.
Vistos por M. de Luna Taboada Martínez, maxistrada xuíza do Xulgado de Primeira Instancia número 5 desta cidade, os presentes autos de xuízo verbal número 496/2017, seguidos por instancia de Alenti Soluciones para Eventos, S.L., representado pola procuradora Sra. Figueroa Herrero e baixo a asistencia letrada da Sra. González Granxeiro Real, contra Galimmusic Producciones Audiovisuales, S.L., emprazada por edictos, en situación de rebeldía procesual.
(…)
Resolución
Estímase a demanda presentada pola procuradora Sra. Figueroa Herrero, no nome e representación invocada e, en consecuencia, condénase a demandada Galimusic Producciones Audiovisuales, S.L. a aboar á demandante a cantidade de catro mil cento un euro con noventa céntimos (4.101,90 €) máis os xuros legais contados desde a data de interposición da demanda, así como ao pagamento das custas.
Notifíquese esta sentenza ás partes, facéndolles saber que contra esta cabe recurso de apelación.
Así o acorda, manda e asina, M. de Luna Taboada Martínez, maxistrada xuíza do Xulgado de Primeira Instancia número 5 de Santiago de Compostela».
Para que sirva de notificación a Galimusic Producciones Audiovisuales, S.L., e a súa publicación no DOG e no taboleiro deste xulgado, expido este edicto.
Santiago de Compostela, 18 de xaneiro de 2018
A letrada da Administración de xustiza