Por Orde do 4 de xullo de 2014 fíxanse os prezos privados correspondentes aos estudos conducentes á obtención das titulacións do Centro Superior de Hostalaría de Galicia (DOG núm. 128, do 8 de xullo).
No artigo 3 da citada orde regúlase a actualización dos prezos, e disponse que «Os prezos privados correspondentes ás ensinanzas establecidas nesta norma actualizaranse cada curso académico na mesma proporción que a variación interanual positiva experimentada polo índice de prezos de consumo (IPC) para a Comunidade Autónoma de Galicia no mes de xuño anterior ao do inicio do prazo de matrícula, mediante resolución da persoa titular da Dirección Xeral da Axencia Turismo de Galicia».
O dato do IPC do mes de xuño para a nosa Comunidade Autónoma publícao o Instituto Galego de Estatística a mediados do mes de xullo, iniciado xa o período de matrícula, polo que mediante a Orde do 22 de agosto de 2017 se modificou a Orde do 4 de xullo de 2014 (DOG núm. 168, do 5 de setembro de 2017), establecendo o mes de abril como o mes de referencia para a actualización dos prezos.
A variación anual (%) do IPC para a Comunidade Autónoma de Galicia no mes de xuño do ano 2017 foi de 1,6; porén, non se actualizaron os prezos ao coñecerse o dato unha vez iniciado o período de matrícula no Centro Superior de Hostalería de Galicia.
A variación anual (%) do IPC para a Comunidade Autónoma de Galicia no mes de abril deste ano 2018 foi de 1,2, polo que resulta preciso levar a cabo ambas as dúas actualizacións.
Polo exposto, en virtude do nomeamento realizado polo Decreto 159/2016, do 24 de novembro (DOG núm. 226, do 25 de novembro) e de conformidade coas competencias atribuídas,
RESOLVO:
Primeiro. Actualizar os prezos privados correspondentes aos estudos conducentes á obtención das titulacións do Centro Superior de Hostalería de Galicia, fixados pola Orde do 4 de xullo de 2014, para o curso académico 2018/19:
1. Prezos matrícula ordinaria por titulación:
|
Descrición |
Prezos 2016 |
Incremento xuño 2017: 1,6 % |
Prezos 2017 |
Incremento abril 2018: 1,2 % |
Prezos 2018 |
|
Titulación matrícula Diploma superior en Xestión Hoteleira |
7.500,00 |
120,00 |
7.620,00 |
91,44 |
7.711,44 |
|
Titulación matrícula Gran Diploma de Dirección e Xestión de Empresas Hoteleiras |
6.890,00 |
110,24 |
7.000,24 |
84,00 |
7.084,24 |
|
Titulación matrícula Diploma de Gastronomía e Xestión en Cociña |
6.890,00 |
110,24 |
7.000,24 |
84,00 |
7.084,24 |
2. Prezos reserva praza e outros:
|
Descrición |
Prezos 2016 |
Incremento xuño 2017: 1,6 % |
Prezos 2017 |
Incremento abril 2018: 1,2 % |
Prezos 2018 |
|
Reserva de praza |
400,00 |
6,40 |
406,40 |
4,88 |
411,28 |
|
Dereitos de matrícula por materia |
240,00 |
3,84 |
243,84 |
2,93 |
246,77 |
|
Dereitos a exame en 3ª convocatoria e extraordinaria |
240,00 |
3,84 |
243,84 |
2,93 |
246,77 |
Santiago de Compostela, 23 de maio de 2018
Mª Nava Castro Domínguez
Directora da Axencia Turismo de Galicia
