Pola presente, e de conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro) notifícaselle á persoa que no anexo se relaciona a resolución do expediente sancionador OU-S-49/2017, do xefe de Área Provincial de Turismo de Ourense, xa que intentada polos medios habituais, non se puido efectuar.
O interesado poderá recoller a resolución mediante comparecencia na dependencia da Área Provincial de Turismo, rúa Curros Enríquez, 1-3º andar, de Ourense.
Contra a dita resolución, que non esgota a vía administrativa, o interesado poderá interpoñer recurso de alzada perante a directora da Axencia Turismo de Galicia, no prazo dun (1) mes desde o día seguinte ao da súa publicación, segundo o disposto nos artigos 121 y 122 da Lei 39/2015, do 1 de outubro, todo iso, sen prexuízo de que o interesado poida interpoñer calquera outro que considere oportuno.
De non presentar recurso no dito prazo, a sanción devirá firme, debendo aboar o importe da multa no seguinte prazo: a) publicación entre os días 1 e 15 de cada mes, desde a data da publicación ata o día 5 do mes seguinte ou inmediatamente hábil posterior, b) publicación entre os días 16 e último de cada mes, desde a data da publicación ata o día 20 do mes seguinte ou inmediatamente hábil posterior.
O pagamento realizarase por transferencia bancaria mediante os impresos formalizados que lle serán facilitados nas dependencias do Servizo de Turismo de Ourense. De non efectuarse o ingreso no citado prazo, procederase á súa exacción pola vía de constrinximento, segundo o disposto pola Orde do 23 de novembro de 2001 pola que se regula o procedemento de recadación voluntaria e executiva das multas e sancións, da Consellería de Facenda (DOG núm. 235, do 5 de decembro).
Ourense, 23 de maio de 2018
Cecilio Santalices de la Escosura Mourille
Xefe da Área Provincial de Turismo de Ourense
ANEXO
Expediente: OU-S-49/2017.
Titular sancionado: José Antonio Reigada do Nascimento.
Establecemento: La Brocheta.
Domicilio: avda. 25 de Xullo, 61.
Localidade: O Carballiño.
Resolución: 28 de decembro de 2017.
Tipificación da infracción: artigo 109.2.a) e 109.2.b) da Lei 7/2011, do 27 de outubro, de turismo de Galicia.
Sanción: trescentos (300) euros.