Eu, Alberto López Luengo, letrado da Administración de xustiza do Xulgado do Social número 4 de Pontevedra, fago saber que no procedemento de execución de títulos xudiciais 19/2018 deste xulgado do social, seguido por instancia de Pablo Martínez Fernández contra Excavaciones y Canalizaciones del Noroeste, S.L. sobre despedimento, se acordou despachar execución mediante o ditado das resolucións do 10.5.2017, impugnables en reposición no prazo de tres días, que están ao seu dispor na sede do xulgado.

E para que sirva de notificación en legal forma a Excavaciones y Canalizaciones del Noroeste, S.L., en ignorado paradoiro, expido este edicto para a súa inserción no Diario Oficial de Galicia.

Advírtese a destinataria de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

Pontevedra, 10 de maio de 2018

O letrado da Administración de xustiza