De conformidade co disposto nos artigos 44 e 46 da Lei 39/2015 (BOE núm. 236, do 2 de outubro), do procedemento administrativo común das administracións públicas, notifícase a Manuel Meis Cacabelos, con DNI 35455837A, mediante a publicación no Boletín Oficial del Estado por non ser posible a notificación a través do servizo de Correos, que o 8 de maio de 2018 o instrutor do procedemento emitiu resolución acordando a finalización do procedemento administrativo sancionador de referencia 12-20-18-01.
A resolución emitida polo instrutor ao abeiro do establecido no artigo 89 da Lei 39/2015, do procedemento administrativo común das administracións públicas, e acorda na súa parte dispositiva dar por finalizado o procedemento de referencia e dar traslado á Dirección da entidade pública coa finalidade de emitir novos acordos de iniciación ampliando o elenco de posibles responsables.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.
Santiago de Compostela, 23 de maio de 2018
Jesús Javier Fernández Barro
Instrutor xefe da División Xurídica de Portos de Galicia