Con data do 28 de marzo de 2018, a xefa territorial da Consellería de Sanidade ditou acordo de inicio do expediente sancionador 2018019AL-OU incoado a Manuel González Fernández con DNI 15368548V e enderezo na rúa Cruceiros, 5, concello da Mezquita (Ourense).
Intentada a notificación deste acordo segundo o disposto no artigo 42.2 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), e non sendo posible a súa práctica por medio desta cédula e segundo o disposto no artigo 44 da dita lei, notifícase a Manuel González Fernández con DNI 15368548V e enderezo na rúa Cruceiros, 5, concello da Mezquita (Ourense), o contido do dito acordo de inicio que figura como anexo para que poida ter coñecemento del.
Así mesmo, fáiselle saber o dereito que o asiste, segundo o disposto na letra f) do artigo 64.2 e no artigo 76 da Lei 39/2015, para presentar alegacións ante a xefatura territorial no prazo de quince (15) días hábiles, contados desde o seguinte ao da publicación desta cédula, lembrándolle o seu dereito a consultar o expediente depositado nas dependencias da xefatura, sita na avenida de Zamora, 13, Ourense e obter, se é o caso, copia do expediente, segundo o previsto na letra a) do artigo 53.1. da citada Lei 39/2015, do 1 de outubro.
Advírteselle que no caso de non efectuar alegacións sobre o contido do dito acordo no citado prazo, o acordo de inicio considerarase proposta de resolución cando conteña un pronunciamento preciso acerca da responsabilidade imputada, cos efectos previstos na letra f) do artigo 64.2 da Lei 39/2015.
Así mesmo, comunícaselle que antes da resolución do procedemento ten dereito a que se apliquen as reducións no importe da sanción establecidas no artigo 85 da citada Lei 39/2015.
Esta cédula expídese para que conste e lle sirva de notificación ao interesado, en cumprimento do disposto no artigo 44 da Lei 39/2015, do 1 de outubro. Así mesmo, faise constar que a eficacia da notificación quedará supeditada á súa publicación no taboleiro de edictos único (TEU) do Boletín Oficial del Estado (BOE).
Ourense, 7 de maio de 2018
María Villar Suárez
Xefa territorial de Ourense
ANEXO
Número de expediente: 2018019AL-OU.
Interesado: Manuel González Fernández.
DNI/NIF/CIF: 15368548-V.
Último enderezo coñecido: rúa Cruceiros, 5, concello da Mezquita (Ourense).
Feitos imputados: infracción da lexislación aplicable en materia sanitaria.
Preceptos presuntamente infrinxidos: Regulamento (CE) núm. 1169/2011, do 25 de outubro sobre a información alimentaria facilitada ao consumidor.
Tipificación provisional: leve.
Sanción proposta: trescentos euros (300 €).
