María Mercedes Santos García, letrada da Administración de xustiza do Xulgado do Social número 6 da Coruña, fai saber que no procedemento despedimento 36/2018, seguido por instancia de Eloy David Figueroa Sánchez contra Iberian Soul, S.L. e o Fogasa, se ditou a sentenza 26/2018, con data do 30 de abril de 2018, pola que se estima a demanda presentada, contra a cal cabe interpor recurso de suplicación ante o Tribunal Superior de Xustiza de Galicia, Sala do Social, que poderán anunciar neste xulgado no prazo de cinco días a partir da notificación, por comparecencia ou por escrito. O texto íntegro da sentenza está ao dispor dos interesados no propio xulgado.

E para que lle sirva de notificación en forma a Iberian Soul, S.L., en ignorado paradoiro, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 2 de maio de 2018

A letrada da Administración de xustiza