O Pleno municipal, na sesión que tivo lugar o 9 de abril de 2018, acordou aprobar inicialmente o documento denominado «Modificación puntual do Plan xeral de ordenación municipal. Execución sentenza sobre o PXOM 2013 Starco Invest, S.A. Documento para aprobación inicial. Febreiro 2018», redactado polo persoal técnico e xurídico municipal.
En cumprimento do artigo 60.6 da Lei 2/2016, do 10 de febreiro, do solo de Galicia, e dos artigos 144.6 e 207 do seu regulamento (Decreto 143/2016), o expediente sométese a información pública polo prazo de dous meses, contado desde o día seguinte ao da última das publicacións deste anuncio no Diario Oficial de Galicia ou nun dos xornais de maior difusión na provincia, para que as persoas interesadas poidan consultalo e formular, de ser o caso, as alegacións que consideren oportunas.
A consulta da documentación da modificación puntual pódese realizar no Departamento de Planeamento da Área de Rexeneración Urbana, Dereito á Vivenda e Mobilidade Sostible (praza de Indalecio Prieto, 1-3), en horario laborable, de luns a venres, ou no enderezo electrónico https.www.coruna.gal/urbanismo, na epígrafe Exposición pública de expedientes.
A Coruña, 18 de abril de 2018
O alcalde
P.D. (Decreto do 15.6.2015)
Xiao Varela Gómez
Tenente de alcalde da Área de Rexeneración Urbana e Dereito á Vivenda