Pola presente, e de conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), notifícaselles as persoas físicas e xurídicas que a continuación se mencionan, titulares de establecementos turísticos, as resolucións dos procedementos administrativos de carácter sancionador en materia de turismo por infracción administrativa grave da Lei 7/2011, do 27 de outubro, do turismo de Galicia (DOG núm. 216, do 11 de novembro), e que, intentadas polos medios habituais, non se puideron practicar.
As/os interesadas/os poderán examinar os seus expedientes e recoller as resolucións mediante comparecencia nas dependencias da Axencia Turismo de Galicia, situadas na estrada de Santiago-Noia, km 3, A Barcia, de Santiago de Compostela (A Coruña).
Contra as ditas resolucións, que poñen fin á vía administrativa, as/os interesadas/os poderán interpoñer recurso de reposición ante a titular da Axencia Turismo de Galicia no prazo dun (1) mes, ou ben recurso contencioso-administrativo no prazo de dous (2) meses, desde o día seguinte ao desta publicación, de conformidade co establecido nos artigos 8.2.b), 14.1 segunda, e 46 da Lei 29/1998, do 13 de xullo, reguladora da xurisdición contencioso-administrativa.
Expediente: TUSAN1 2017/158-1.
Sancionada: Ofiusa Mare, S.L.
NIF: B70412978.
Último enderezo: praia de Insuela, s/n, Palmeira.
Localidade: Ribeira (A Coruña).
Preceptos infrinxidos: 110.1, 110.5 e 110.15 da Lei 7/2011, do 27 de outubro, do turismo de Galicia.
Resolución: multa de 3.002,00 euros.
Expediente: TUSAN1 2017/185-1.
Sancionada: Hotel Milladoiro, S.L.
NIF: B15716723.
Último enderezo: rúa Anxeriz, nº 12, O Milladoiro.
Localidade: Ames (A Coruña)
Preceptos infrinxidos: 110.3 e 110.5 da Lei 7/2011, do 27 de outubro, do turismo de Galicia.
Resolución: multa de 3.000,00 euros.
Expediente: TUSAN1 2017/038-2.
Sancionada: In Utroque, S.L.
NIF: B93398550.
Último enderezo: estrada de Forxán, nº 30.
Localidade: Foz (Lugo).
Preceptos infrinxidos: 110.3, 110.4 e 110.14 da Lei 7/2011, do 27 de outubro, do turismo de Galicia.
Resolución: multa de 3.000,00 euros.
Comunícaselles que as resolucións da Axencia Turismo de Galicia poñen fin á vía administrativa e, por tanto, son executivas, polo que deberá aboar o importe da multa nos seguintes prazos: a) publicación entre os días 1 e 15 de cada mes, desde a data da publicación ata o día 20 do mes posterior, ou ata o día inmediato hábil seguinte, b) publicación entre os días 16 e último de cada mes, desde a data da publicación ata o día 5 do segundo mes posterior, ou ata o día inmediato hábil seguinte.
O aboamento realizarase mediante os impresos formalizados que lle serán facilitados nas dependencias desta axencia de turismo. De non efectuarse o ingreso no período voluntario, procederase á exacción da débeda pola vía de constrinximento.
Santiago de Compostela, 27 de abril de 2018
José Luis Maestro Castiñeiras
Director de Competitividade