De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselles aos titulares dos establecementos da provincia da Coruña que se relacionan a baixa de oficio e a cancelación da inscrición no Rexistro de Empresas e Actividades Turísticas da Comunidade Autónoma galega acordada pola Resolución do 26 de marzo de 2018.

Contra esta resolución, que esgota a vía administrativa, poderán interpoñer recurso potestativo de reposición ante a Axencia Turismo de Galicia no prazo dun mes contado a partir do día seguinte ao da notificación desta resolución, ou directamente recurso contencioso-administrativo ante o xulgado do contencioso-administrativo de Santiago de Compostela no prazo de dous meses contado desde o día seguinte ao da súa notificación, de conformidade co disposto nos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa.

O que se lles notifica en cumprimento do establecido no artigo 40 da Lei 39/2015, do 1 de outubro, do procedemento administrativo común das administracións públicas.

A Coruña, 25 de abril de 2018

María del Carmen Ramallal Molina
Xefa da Área Provincial de Turismo da Coruña

ANEXO

Establecemento: Café bar El Ferrolano.

Titular: José Manuel Franco Montouto.

Enderezo: rúa Dolores, 8.

Concello: Ferrol.

Establecemento: Café bar Las Palmeras.

Titular: María Inmaculada Cerrada Domínguez

Enderezo: rúa do Carmen, 13, baixo.

Concello: Ferrol.

Establecemento: Café bar Jota Ele.

Titular: José Luis Soto Tato.

Enderezo: lugar de Fonte Díaz, s/n.

Concello: Touro.