A Dirección de Galaria, de conformidade co establecido na Lei 16/2010, do 17 de decembro, de organización e funcionamento da Administración xeral o do sector público autónomico de Galicia, e, de acordo co establecido no artigo 12 do convenio colectivo para o persoal laboral do sector sanitario de Galicia xestionado por fundacións públicas sanitarias ou empresas públicas, e en virtude das atribucións que en materia de selección e contratación de persoal lle son conferidas polos estatutos da entidade,
RESOLVE:
Acordar a publicación do anuncio da convocatoria para a confección dunha lista de contratación temporal regulada segundo o pacto sobre selección de persoal laboral temporal da Unidade de Radiofármacos PET Galicia.
As persoas interesadas en formar parte das listas terán á súa disposición toda a documentación relativa ao proceso en: www.sergas.es/Recursos-Humanos/Galaria-empresa-pública-de-servizos-sanitarios-antigo-MEDTEC.
Para a primeira xeración de listas poderanse formalizar as solicitudes no prazo dun mes contado desde o día seguinte ao da publicación deste anuncio no Diario Oficial de Galicia.
Santiago de Compostela, 30 de abril de 2018
Rocío Mosquera Álvarez
Directora xerente de Galaria, Empresa Pública de Servizos Sanitarios, S.A.