De conformidade co previsto no artigo 9.5 da Lei 16/2010, do 17 de decembro, de organización e funcionamento da Administración xeral e do sector público autonómico de Galicia, dáse publicidade a unha encomenda de xestión, para o exercicio 2018, da Fundación Cidade da Cultura de Galicia á empresa pública Empresa de Transformación Agraria, S.A. (Tragsa), coas seguintes características:
Actividade: acometida da plantación de camelias na ladeira leste do acceso e de plantas rastreiras no noiro existente a carón da rúa de acceso norte aos edificios Cinc e Museo.
Natureza e alcance da xestión encomendada: esta encomenda ten natureza intersubxectiva, ao ter Tragsa a consideración de medio instrumental da Administración segundo o disposto na disposición adicional vixésimo cuarta da Lei 9/2017, do 8 de novembro, de contratos do sector público, pola que se traspoñen ao ordenamento xurídico español as directivas do Parlamento Europeo e do Consello 2014/23/UE e 2014/24/UE, do 26 de febreiro de 2014 .
Prazo de vixencia: o prazo de execución será de un mes desde o inicio dos traballos.
Santiago de Compostela, 27 de marzo de 2018
Ana Isabel Vázquez Reboredo
Directora xerente da Fundación Cidade da Cultura de Galicia