O Pleno municipal, na sesión que tivo lugar o día 9 de abril de 2018, adoptou, entre outros, o seguinte acordo:

«Primeiro. Aprobar definitivamente o estudo de detalle para a ordenación de volumes no CEIP San Francisco Javier. Documento para aprobación definitiva. Marzo 2018, redactado pola Oficina Técnica de Planeamento Municipal en maio 2018.

Segundo. Ordenar a realización dos trámites administrativos previstos no artigo 82 da Lei 2/2016, do 10 de febreiro, do solo de Galicia (artigo 199 do regulamento), para a entrada en vigor do estudo de detalle aprobado.

Terceiro. Notificar este acordo aos departamentos municipais de Xestión do Solo, Licenzas e Disciplina Urbanística, Oficina do Sistema de Información Xeográfica (SIX) e Servizo de Edificación».

O contido íntegro do estudo de detalle aprobado pódese consultar no enderezo electrónico https.www.coruna.gal/urbanismo, na epígrafe planeamento/planeamento vixente ou ben, desde a mesma web, a través do Visor Estado Desenvolvemento PXOM 2013.

Contra este acordo, que pon fin á vía administrativa, pódese interpoñer directamente recurso contencioso-administrativo ante a sala correspondente do Tribunal Superior de Xustiza de Galicia (artigo 84.1 da Lei do solo de Galicia e artigo 201.1 do Regulamento de desenvolvemento da citada lei) no prazo de dous meses, que se contarán a partir do día seguinte ao da publicación deste anuncio, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de interpoñer calquera outro recurso que se entenda máis procedente e sexa conforme co dereito.

A Coruña, 12 de abril de 2018

O alcalde
P.D. (Decreto do 15.6.2015)
Xiao Varela Gómez
Tenente de alcalde de Rexeneración Urbana e Dereito á Vivenda