De conformidade co disposto nos artigos 42.2 e 44 da Lei 39/2015, do 1 de outubro, do procedemento administrativo común das administracións públicas, emprázanse por medio deste anuncio, publicado no Boletín Oficial del Estado (BOE), os propietarios da zona de reestruturación parcelaria de Oubiña-segundo sector (Cambados-Pontevedra) que se citan no anexo para seren notificados das bases de reestruturación parcelaria da dita zona.

Así mesmo, este anuncio publicarase no Diario Oficial de Galicia (DOG), ben que a eficacia do acto notificado quedará supeditada á súa publicación no BOE.

Os interesados poderán coñecer o contido íntegro das bases de reestruturación parcelaria mediante comparecencia nas dependencias desta xefatura territorial, sita na rúa Fernández Ladreda, nº 43-2º andar, no Edificio Administrativo da Xunta de Galicia en Pontevedra, das 9.00 ás 14.00 horas, de luns a venres.

A comparecencia deberase efectuar no prazo de quince días, contados desde o seguinte ao da publicación deste anuncio no BOE.

Transcorrido o dito prazo sen efectuarse a comparecencia, a notificación entenderase producida desde o día seguinte ao da publicación deste anuncio.

Contra as referidas bases poderase interpor recurso de alzada ante a persoa titular da Consellería do Medio Rural, no prazo dun mes.

Pontevedra, 20 de marzo de 2018

Antonio Crespo Iglesias
Xefe territorial de Pontevedra

ANEXO

Acto notificado: bases de reestruturación parcelaria de Oubiña-segundo sector (Cambados-Pontevedra).

– Interesados:

Carballa González, Ana Belén.

Mariño Otero, Carmen.

Morrazo Cores, José Manuel.

Rivas Doval, Ángel.

Varela Díaz, Carmen.