Visto o expediente para outorgamento de autorización administrativa previa e de construción da instalación eléctrica que a seguir se cita:
Solicitante: Talleres Metálicos Acebrón, S.L.
Enderezo social: polígono de Pena Porreira, P-A8, 15320 As Pontes de García Rodríguez.
Denominación: proxecto de LMTS, CS prefabricado e CT de 400 kVA para a subministración a taller de mecanizados.
Situación: polígono de Pena Porreira, PA8, 15320 As Pontes de García Rodríguez.
Características técnicas:
Liña de media tensión subterránea, con inicio e fin na liña de distribución no PAS do apoio número 24, logo de entrar e saír no CS proxectado, condutor RHZ1 2OL 12/20 kV 3 (1×240 mm2) Al, lonxitude 15 m.
Centro de seccionamento en edificio prefabricado. Celas prefabricadas de entrada, saída e derivación con interrutores seccionadores e unha de protección (24 kV, 400 A,16 kA).
Cumpridos os trámites ordenados na Lei 24/2013, do 26 de decembro (BOE núm. 310), do sector eléctrico, e no título VII, capítulo II, do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, e de acordo coa Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54), esta xefatura territorial resolve:
Conceder a autorización administrativa previa e a autorización administrativa de construción da dita instalación, cuxas características se axustarán en todas as súas partes ás que figuran no seu proxecto e ás condicións técnicas e de seguridade establecidas nos regulamentos de aplicación.
Esta instalación está previsto que se execute nun prazo dun ano, contado a partir da data da última autorización administrativa necesaria.
Esta autorización outórgase sen prexuízo das concesións e autorizacións que sexan necesarias, de acordo con outras disposicións que resulten aplicables e, en especial, as relativas á ordenación do territorio e ao ambiente.
Contra este acordo, que non é definitivo en vía administrativa, cabe interpor recurso de alzada ante o conselleiro de Economía, Emprego e Industria, no prazo dun mes contado a partir do día seguinte ao da súa notificación ou publicación nos termos establecidos nos artigos 112, 115, 121 e 122 da Lei 39/2015, do 1 de outubro, do procedemento administrativo común das administracións públicas, sen prexuízo de que os interesados poidan interpor calquera outro recurso que se considere pertinente.
A Coruña, 7 de marzo de 2018
Isidoro Martínez Arca
Xefe territorial da Coruña