No punto 1.c) 6 da Resolución do 2 de febreiro de 2018, publicada no Diario Oficial de Galicia número 28, do 8 de febreiro, pola que se anuncia a licitación, mediante procedemento aberto e sistema multicriterio, tramitación ordinaria e documentalmente simplificada, do contrato de servizo de limpeza e de recollida e transporte de residuos dos portos dependentes da zona centro da entidade pública Portos de Galicia, suxeito a regulación harmonizada, disponse que o prego tipo de cláusulas administrativas particulares (PCAP), o de prescricións técnicas particulares (PPT) e o cadro de características do contrato (CCC) poderanse obter no perfil de contratante, no seguinte enderezo da internet: http://www.contratosdegalicia.es/resultado.jsp?N=251585
Advertidos erros no contido do PPT que rexerá a devandita licitación, nos anexos IV e V do referido PPT, relativos á relación de edificios portuarios para limpeza de canalóns nos portos da zona centro e á relación de horas de traballo do persoal en servizo dos portos da zona centro, respectivamente, resulta necesario efectuar a corrección dos datos erróneos recollidos nos devanditos anexos.
Pola presente resolución dáse publicidade á modificación do contido dos devanditos anexos IV e V do PPT, consistentes na eliminación dos datos dos portos de Portocubelo, Muros e Esteiro, que aparecían por duplicado, no anexo IV, e ás correccións efectuadas na táboa de resumo xeral de xornadas de traballo do persoal, contida no anexo V, publícase novamente no perfil de contratante o PPT debidamente corrixido e déixase sen efecto o PPT publicado o 2 de febreiro de 2018 no perfil de contratante.
– Obtención de información e da documentación corrixida:
1º. Entidade: División de Contratación de Portos de Galicia.Teléfono: 881 99 52 70.
2º. Enderezo na internet: http://www.contratosdegalicia.es/resultado.jsp?N=251585
– Prazo de presentación de proposicións:
Á vista do anterior, amplíase en vinte (20) días naturais o prazo de presentación de ofertas previsto para participar na licitación convocada para adxudicar o contrato de servizos de referencia, que remataba o 21 de marzo de 2018 e que, tras a devandita ampliación, rematará ás catorce (14.00) horas do día 10 de abril de 2018.
– Data de apertura de ofertas: a apertura pública das ofertas técnicas (sobre B) levarase a cabo nun prazo non superior a sete (7) días contados desde a apertura da documentación administrativa do sobre A. No caso de que ese día coincida en sábado ou festivo, a apertura realizarase o primeiro día hábil seguinte.
– Data de envío do anuncio de modificación ao Diario Oficial de la Unión Europea: 15 de marzo de 2018.
Santiago de Compostela, 15 de marzo de 2018
José Juan Durán Hermida
Presidente de Portos de Galicia