A persoa titular do Servizo de Mobilidade da Xefatura Territorial de Pontevedra acordou a incoación do expediente sancionador PO-00015-O-2018 e tres máis por infracción da normativa sobre transporte terrestre.

Intentada a notificación do acordo de incoación por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo, e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícanselles os acordos de incoación ditados ás persoas interesadas.

Son informadas de que os expedientes sancionadores están á súa disposición nas oficinas do Servizo de Mobilidade da Xefatura Territorial de Pontevedra.

Outórgaselles un prazo quince (15) días hábiles, contado desde o día seguinte ao da publicación deste anuncio no BOE, para alegaren o que consideren conveniente, presentando ou propoñendo as probas que consideren oportunas.

No suposto que decidan voluntariamente pagar a sanción antes de que transcorran trinta (30) días contados desde o seguinte ao da publicación do presente anuncio no BOE, a súa contía reducirase nun 30 % na forma prevista no artigo 146.3 da Lei 16/1987, do 30 de xullo, de ordenación dos transportes terrestres. A realización do dito pagamento implica a conformidade cos feitos denunciados, a renuncia a formular alegacións por parte da persoa interesada e a terminación do procedemento sancionador.

Pontevedra, 21 de febreiro de 2018

José Jorge Martínez Fernández
Xefe do Servizo de Mobilidade de Pontevedra

ANEXO

Expediente Matrícula	Denunciado DNI/CIF	Infracción denunciada Data-Hora-Estrada-p.q.	Precepto cualificador	Precepto sancionador	Sanción proposta
PO-00015-O-2018 6613-HGZ	Luz Cristina Morales Padilla Y3168643Q	O exceso igual ou superior ao 5 por cento e inferior ao 15 por cento sobre a MMA total en vehículos con MMA ata 12 toneladas. Exceso de peso igual ou superior ao 7 por cento. 20.9.2017; 10.25; AP-9; 137,516	Art. 142.2 LOTT	Art. 143.1.c) LOTT	325 euros
PO-03551-O-2017 8536-BDB	Miguel Zurita Rodríguez 77007065Y	Realizar transporte privado de mercadorías utilizando un condutor que carece do CAP. 2.9.2017; 17.05; PO-400; 41,1	Art. 140.18 LOTT	Art. 143.1.h) LOTT	2.001 euros
PO-03552-O-2017 8536-BDB	Miguel Zurita Rodríguez 77007065Y	A utilización do tacógrafo sen realizar a súa calibración ou revisión periódica nos prazos e forma establecidos. 2.9.2017; 17.05; PO-400; 41,1	Art. 140.34 LOTT	Art. 143.1.g) LOTT	1.001 euros
PO-03555-O-2017 8536-BDB	Miguel Zurita Rodríguez 77007065Y	A realización de transporte privado carecendo de autorización. 2.9.2017; 17.05; PO-400; 41,1	Art. 141.14 LOTT	Art. 143.1.e) LOTT	601 euros