De conformidade co establecido no Decreto 206/2005, do 22 de xullo (DOG núm. 145, do 29 de xullo), de provisión de prazas de persoal estatutario do Servizo Galego de Saúde, así como na Orde da Consellería de Sanidade do 24 de maio de 2006 (DOG núm. 106, do 5 de xuño) pola que se establecen as bases do procedemento para a provisión dos postos de xefatura e coordinación das institucións sanitarias do Servizo Galego de Saúde, en virtude das competencias atribuídas polo Decreto 43/2013, do 21 de febreiro (DOG núm. 47, do 7 de marzo), polo que se establece a estrutura orgánica do Servizo Galego de Saúde, modificado polo Decreto 111/2013, do 4 de xullo (DOG núm. 140, do 24 de xullo), e na Orde do 12 de abril de 2013 (DOG núm. 76, do 19 de abril) pola que se desenvolve a estrutura organizativa de xestión integrada das áreas de Lugo, Cervo e Monforte de Lemos, así como na Orde do 5 de xullo de 2012 (DOG núm. 139, do 20 de xullo) sobre delegación de competencias en órganos centrais e periféricos do Servizo Galego de Saúde, esta xerencia

DISPÓN:

Primeiro. Resolver parcialmente a convocatoria para a provisión, polo sistema de concurso de méritos, de varios postos vacantes de supervisor/a de unidade convocada pola Resolución do 22 de novembro de 2016 (DOG núm. 237, do 14 de decembro).

Segundo. Nomear, para os postos que se indican, as persoas relacionadas no anexo desta resolución.

Terceiro. Os aspirantes nomeados deberán cesar na praza que desempeñan dentro dos tres días hábiles seguintes a aquel no que se publique a presente resolución no Diario Oficial de Galicia.

A toma de posesión do posto de traballo adxudicado deberá efectuarse dentro dos tres días hábiles seguintes ao do cesamento, se a praza desempeñada e o posto adxudicado son da mesma área de saúde, ou no prazo de quince días hábiles, se son de distinta área de saúde. Para estes efectos, entenderase por praza desempeñada a efectivamente ocupada, con independencia de que sexa en condición de destino definitivo, adscrición ou destino provisional ou comisión de servizos.

Se así o permiten as necesidades do servizo, e por petición motivada do interesado, os prazos a que se refiren os parágrafos anteriores poderán ser prorrogados polo órgano convocante.

O prazo de toma de posesión e a súa prórroga terán a consideración de servizo activo e percibiranse os correspondentes haberes de conformidade co que estableza a orde sobre confección de nóminas do persoal ao servizo da Administración autonómica.

Entenderase que solicita a excedencia voluntaria por interese particular, e será declarado nesa situación polo órgano competente, quen non se incorpore ao posto adxudicado no prazo establecido.

Cuarto. Contra a presente resolución poderá interpoñerse recurso de alzada ante a Dirección Xeral de Recursos Humanos do Servizo Galego de Saúde no prazo dun mes contado a partir do día seguinte ao da súa publicación, nos termos dos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Lugo, 2 de marzo de 2018

Ramón Ares Rico
Xerente de Xestión Integrada de Lugo, Cervo
e Monforte de Lemos

ANEXO

Posto: supervisor/a da Unidade de Saúde Mental do Hospital Universitario Lucus Augusti de Lugo.

Nome e apelidos: Margarita Isabel Pena Puentes.

DNI:*****822J.

Posto: supervisor/a da Unidade de Esterilización do Hospital Universitario Lucus Augusti de Lugo.

Nome e apelidos: Montserrat Vivero Rois.

DNI:*****135Y.

Posto: supervisor/a da Unidade de Reanimación-Espertar do Hospital Universitario Lucus Augusti de Lugo.

Nome e apelidos: Jesús Vila Rey.

DNI:*****289H.

Posto: supervisor/a da Unidade de Medicina Preventiva e Saúde Pública do Hospital Universitario Lucus Augusti.

Nome e apelidos: María del Mar Castro Murias.

DNI: *****569Z.

Posto: supervisor/a da Unidade Médico-Cirúrxica do Hospital Universitario Lucus Augusti de Lugo.

Nome e apelidos: Ana Isabel Hernández González.

DNI: *****103E.

Posto: supervisor/a da Unidade Médico-Cirúrxica do Hospital Universitario Lucus Augusti de Lugo.

Nome e apelidos: Marta Vázquez Jacob.

DNI:*****580Q.

(*) Ocúltase parcialmente o número do documento nacional de identidade para preservar os datos de carácter personal, de acordo coa Lei orgánica 15/1999, do 13 de decembro.