Na Xunta Local de Goberno do 28.2.2018, aprobouse o expediente de contratación e os pregos de condicións da subministración, instalación e mantemento dos sistemas de alarma anti-intrusión e detección de incendios en diferentes dependencias municipais do Concello de Mos.
1. Entidade adxudicadora: Concello de Mos.
2. Obxecto do contrato: subministración, instalación e mantemento dos sistemas de alarma anti-intrusión e detección de incendios en diferentes dependencias municipais do Concello de Mos.
CPV 45312100-8 e 45312200-9.
3. Duración do servizo: dous (2) anos con posibilidade de prórroga por outros dous anos.
4. Procedemento: aberto.
5. Prezo do contrato: 7.800 euros máis IVE de 1.638 euros.
6. Garantías. Provisoria: non se exixe. Definitiva: 5 % do importe da adxudicación.
7. Obtención de información e documentación: a través da páxina web do concello: http://www.concellomos.es/ e no Concello de Mos. Praza do Concello nº 1, Petelos. 36416 Mos. Pontevedra. Teléfono: 986 33 12 00, telefax: 986 33 66 18.
8. Requisitos xerais do contratista sinalados no prego de condicións administrativas. Clasificación: non se exixe.
9. Presentación de proposicións:
a) Prazo e lugar: no Concello de Mos (Pontevedra) durante os quince días naturais desde o seguinte ao de publicación do presente anuncio no último boletín (DOG ou BOP). Das 9.00 ás 14.00 horas, de luns a venres, no Rexistro Xeral do Concello ou por calquera outro medio o que se refire o artigo 16 da Lei 39/2015.
b) Documentación que hai que presentar: as proposicións en sobres pechados, coas inscricións e contendo a documentación que se sinala nos pregos de condicións.
10. Apertura das ofertas: na Casa do Concello de Mos, o sexto (6º) día hábil seguinte ao de finalización do prazo para a presentación de proposicións.
11. Gastos de anuncios: por conta do adxudicatario.
Mos, 1 de marzo de 2018
Nidia Mª Arévalo Gómez
Alcaldesa