1. Entidade adxudicadora: Concello de Marín.
a) Dependencia que tramita o expediente: Departamento de Secretaría.
b) Obtención de documentación e información: Servizo de Secretaría do Concello de Marín.
– Domicilio: avenida Ourense, s/n, 36900 Marín.
– Teléfono: 986 88 03 00. Fax: 986 88 20 13.
– Web municipal (perfil do contratante): www.concellodemarin.es.
– Data límite de obtención de documentación e información: durante o prazo de presentación de proposicións, en días hábiles, das 9.00 ás 14.00 horas. A petición de aclaracións ou documentación complementaria que non estea publicada no perfil do contratante nin se facilitase o seu acceso por medios electrónicos, informáticos ou telemáticos, e que sexa necesaria ou conveniente para a formulación das ofertas, deberá presentarse con 9 días naturais de antelación ao prazo de finalización da presentación de ofertas. A remisión efectuarase nos 6 días naturais seguintes á solicitude. Non se admitirá ningunha solicitude de información adicional cunha antelación de menos de 3 días naturais á finalización do prazo de presentación de ofertas.
c) Número de expediente: 546/17.
2. Obxecto do contrato:
a) Tipo de contrato: administrativo de concesión de servizos.
b) Descrición: xestión e explotación do servizo público de xestión integral da piscina municipal cuberta de Marín.
c) División por lotes: non.
d) Admisión de melloras: non.
e) Lugar de execución: piscina municipal de Marín.
f) Prazo de execución: prazo máximo de 5 anos, sen posibilidade de prórroga.
g) CPV (referencia de nomenclatura): 92610000-0 (servizos de explotación de instalacións deportivas).
3. Tramitación e procedemento:
a) Tramitación: ordinaria.
b) Procedemento: aberto con varios criterios de adxudicación.
c) Criterios de adxudicación (cláusula 15 do PCAP):
– Redución das tarifas a aplicar aos usuarios: ata 55 puntos.
– Exención de matrícula para determinados colectivos: ata 15 puntos.
– Incremento do canon a aboar ao Concello: ata 15 puntos.
– Admisión ao uso da piscina sen custo unha hora á semana para determinados centros educativos: ata 10 puntos.
– Pór á disposición do Concello abonos anuais gratuítos para deportistas de alta competición: (ata 5 puntos).
4. Valor estimado do contrato: 1.855.230,98 €, IVE excluído.
5. Canon anual mínimo: 1.200 €.
6. Garantías exixidas:
a) Provisional: non se exixe.
b) Definitiva: si (5 % do prezo do contrato, IVE excluído).
c) Complementaria: non se exixe.
7. Clasificación: non se exixe.
8. Requisitos específicos do contratista:
a) Documentos acreditativos da solvencia económica e financeira: declaración do volume anual de negocios. Considerarase con solvencia económica e financeira aos licitadores que no conxunto dos últimos tres anos teñan un volume de facturación que sexa igual ou superior a 556.569,29 euros, equivalente a unha vez e media ao valor anual medio do contrato.
b) Documentos acreditativos da solvencia técnica e profesional: unha relación dos principais servizos públicos de carácter deportivo ou traballos de análoga natureza prestados nos últimos cinco anos que inclúa o seu importe, as súas datas e os seus beneficiarios públicos ou privados. O seu importe global deberá ser igual ou superior a 350.000 euros. Os servizos ou traballos realizados acreditaranse mediante certificados de boa execución expedidos ou visados polo órgano competente, cando o destinatario fose unha entidade do sector público. Cando o destinatario fose un suxeito privado, mediante unha declaración do empresario. Para efectos de determinar a correspondencia entre os traballos acreditados e os que constitúen o obxecto do contrato, cando exista clasificación aplicable a este último atenderase ao grupo e subgrupo de clasificación a que pertencen uns e outros, e nos demais casos á coincidencia entre os dous primeiros díxitos dos seus respectivos códigos CPV. Considerarase acreditada a solvencia se o importe anual acumulado no ano de maior execución do período de referencia acredita un importe igual ou superior a 371.046,20 euros, equivalente á anualidade media do contrato.
9. Presentación de proposicións:
a) Prazo: quince (15) días naturais, contados a partir do día seguinte ao da publicación do presente anuncio no último dos boletíns en que apareza (DOG ou BOP).
b) Documentación que hai que presentar: véxase cláusula 14ª do prego de cláusulas administrativas particulares.
c) Lugar de presentación: Rexistro Xeral do Concello de Marín, avenida de Ourense, s/n, 36900 Marín, ata as 14.00 horas do último día de prazo.
10. Apertura de proposicións:
a) Lugar: Casa do Concello.
b) Data e hora: anunciarase no perfil do contratante.
11. Outras informacións: véxanse pregos reguladores da contratación.
12. Gastos de anuncios: por conta do adxudicatario ata os 2.500 euros.
Marín, 23 de febreiro de 2018
María Ramallo Vázquez
Alcaldesa