En cumprimento do disposto no artigo 48 da Lei 21/2013, do 9 de decembro, de avaliación ambiental, faise público que, de acordo co establecido no artigo 60.b) da Lei 7/2012, do 28 de xuño, de montes de Galicia, a Xefatura Territorial da Consellería do Medio Rural da Coruña autorizou, mediante a Resolución do 16 de febreiro de 2018, o cambio de actividade forestal a agrícola da parcela 14 do polígono 41 (condicionado no seu recinto 2, de non realizarse un aproveitamento baixo arboredo, á autorización previa de Augas de Galicia) e da parcela 211 do polígono 40, do termo municipal de Mañón. O proxecto foi sometido previamente a avaliación ambiental simplificada e o informe de impacto ambiental foi emitido con data do 10 de xaneiro de 2018. O anuncio foi publicado no DOG número 28, do 8 de febreiro.

A Coruña, 16 de febreiro de 2018

Manuel Rodríguez Vázquez
Xefe territorial da Coruña