De conformidade co disposto nos artigos 44 e 46 da Lei 39/2015, do 1 de outubro, do procedemento administrativo común das administracións públicas, notifícaselles ás persoas relacionadas no anexo o acto que se indica logo de que fose devolto polo servizo de Correos, logo de intentar dúas veces a notificación.
O acto foi adoptado pola Secretaría Xeral para o Deporte.
A comparecencia para coñecer o contido íntegro do requirimento deberase efectuar no prazo de dez (10) días hábiles, contados desde o seguinte ao da publicación deste anuncio no Boletín Oficial del Estado, na sede desta secretaría xeral, sita na rúa Madrid, nº 2-4, 2º andar, 15781 Santiago de Compostela, das 9.00 ás 14.00 horas, de luns a venres.
Transcorrido o dito prazo sen efectuarse a comparecencia, a notificación entenderase producida desde o día seguinte ao da súa publicación no Boletín Oficial del Estado.
Santiago de Compostela, 19 de febreiro de 2018
Marta Míguez Telle
Secretaria xeral para o Deporte
ANEXO
– Expediente: Resolución do 7 de xullo de 2017, da Secretaría Xeral para o Deporte, pola que se fan públicas as listas definitivas de subvencións a entidades deportivas convocadas pola Resolución do 25 de novembro de 2016 pola que se convocan subvencións, en réxime de concorrencia non competitiva, a clubs deportivos, sociedades anónimas deportivas e agrupacións deportivas escolares de Galicia, para o desenvolvemento de actividades deportivas.
Interesado: S.R.D. Unión Club Cee.
NIF: G15151970.
Acto notificado: requirimento de documentación.
Interesado: Club Ximnasia Porriño.
NIF: G27734185.
Acto notificado: requirimento de documentación.