No DOG núm. 34, do 16 de febreiro de 2018, publicouse a Resolución do 12 de febreiro de 2018, da Dirección Xeral de Recursos Económicos, pola que se anuncia a licitación da contratación da obra de substitución da cuberta no andar 12 e climatización dos cuartos de illados no andar 12 do Complexo Hospitalario da Coruña (expediente AB-SER3-18-011). Neste mesmo día publicouse no perfil do contratante do Servizo Galego de Saúde os pregos de cláusulas administrativas particulares desta contratación.
Advertido un erro no anuncio, acórdase rectificar no número 9 da antedita resolución:
Onde di:
«9. Requisitos especificos do contratista:
a) Clasificación exixida: grupo C, subgrupo 2, categoría 2. Véxase a cláusula 13.I da folla de especificacións do prego de cláusulas administrativas particulares (en diante, PCAP)»,
Debe dicir:
«9. Requisitos especificos do contratista:
a) Clasificación exixida: non procede. Véxase a cláusula 13.I da folla de especificacións do prego de cláusulas administrativas particulares (en diante, PCAP)».
Así mesmo, acórdase ampliar o cómputo do prazo de presentación de proposicións ata o vixésimo sexto (26º) día natural seguinte ao da publicación desta corrección de erros no Diario Oficial de Galicia. Cando o último día para a presentación de ofertas coincida en sábado ou en día inhábil o prazo entenderase prorrogado ata o primeiro día hábil seguinte.
Permanece inalterado o resto dos aspectos detallados no anuncio orixinario, todo isto de conformidade co artigo 32 e 109.2 da Lei 39/2015, do 1 de outubro, do procedemento administrativo común das administracións públicas.
O que se fai público para xeral coñecemento e, en especial, das empresas interesadas
Santiago de Compostela, 19 de febreiro de 2018
María Jesús Piñeiro Bello
Directora xeral de Recursos Económicos
