A Xunta de Goberno local, por delegación do alcalde e por acordo do 23.9.2014, aprobou con carácter inicial a modificación puntual do Plan parcial do parque empresarial de Celanova, a cal se someteu a información pública en cumprimento do establecido nos artigo 11.1 do Real decreto lexislativo 2/2008, do 20 de xuño, polo que se aproba o texto refundido da Lei do solo, 86.1.a), en relación co artigo 93.4, da Lei 9/2002, do 30 de decembro, de ordenación urbanística e protección do medio rural de Galicia, e, con carácter supletorio, o artigo 128 do Real decreto 2159/1978, do 23 de xuño, polo que se establece o Regulamento de planeamento urbanístico.

Emendadas as posibles deficiencias que derivaron das alegacións presentadas no período de información pública e dos informes sectoriais emitidos, e ante a existencia de modificacións que poidan supoñer un cambio substancial do documento inicialmente aprobado, a Xunta de Goberno local, por delegación do alcalde (Boletín Oficial da provincia de Ourense nº 146, do 27.6.2015) e en virtude de acordo adoptado en sesión ordinaria que tivo lugar o día 25.1.2018, abriu un novo trámite de información pública de conformidade co establecido no artigo 86.1.e) da Lei 9/2002, do 30 de decembro, de ordenación urbanística e protección do medio rural de Galicia, en relación co disposto na disposición transitoria segunda, número 2, da Lei 2/2016, do 10 de febreiro, do solo de Galicia.

O prazo de consultas e información pública será dun (1) mes a partir da publicación do presente anuncio no Diario Oficial de Galicia. Durante o dito prazo o expediente e o documento definitivo da modificación puntual do Plan parcial do parque empresarial de Celanova porase de manifesto na Secretaría do Concello de Celanova, en horario de atención ao público, de luns a venres, das 9.00 ás 14.00 horas. No dito prazo, igualmente, os interesados poderán formular as alegacións que teñan por convenientes para a defensa dos seus dereitos e intereses.

Así mesmo, faise público que, en aplicación do artigo 77.1 da Lei 9/2002, do 30 de decembro, de ordenación urbanística e protección do medio rural de Galicia, en relación co disposto na disposición transitoria segunda, número 2, da Lei 2/2016, do 10 de febreiro, do solo de Galicia, a Xunta de Goberno local, por delegación do alcalde (Boletín Oficial da provincial de Ourense nº 146, do 27.6.2015) e en virtude de acordo adoptado en sesión ordinaria que tivo lugar o día 25.1.2018, suspendeu o outorgamento de licenzas naqueles ámbitos do territorio obxecto do planeamento cuxas novas determinacións supoñan a modificación da ordenación urbanística vixente, a duración da suspensión é dun (1) ano. As devanditas áreas afectadas pola suspensión son as seguintes: polígonos 2 e 3 do ámbito territorial do parque empresarial.

Celanova, 1 de febreiro de 2018

José Luis Ferro Iglesias
Alcalde