O Consello da Xunta de Galicia, na súa reunión do 8 de febreiro de 2018, adoptou, por proposta do conselleiro de Facenda, o seguinte acordo:
«En virtude do establecido no artigo 35 ter.6 da Lei 14/2013, do 26 de decembro, de racionalización do sector público autonómico, por proposta do conselleiro de Facenda, noméase presidente do Tribunal Administrativo de Contratación Pública da Comunidade Autónoma de Galicia a Santiago Valencia Vila».
Ordénase a súa publicación no Diario Oficial de Galicia, en cumprimento do disposto na base cuarta da Orde do 17 de novembro de 2017 pola que se convoca o proceso para seleccionar o/a presidente/a do Tribunal Administrativo de Contratación Pública da Comunidade Autónoma de Galicia.
Santiago de Compostela, 16 de febreiro de 2018
María del Socorro Martín Hierro
Secretaria xeral técnica e do Patrimonio