A empresa Café Bar Nova Lonxa, S.L. solicitoulle a esta empresa pública empresarial Portos de Galicia unha concesión administrativa no dominio público portuario do porto de Ribeira con destino a ocupación de local para explotación de instalacións de bar-cafetaría da lonxa do porto de Ribeira, construído con tal finalidade por Portos de Galicia para o servizo dos usuarios da nova lonxa e do porto en xeral, cunha superficie de 310 m2 construídos, e localizado no interior da nova lonxa de Ribeira, primeiro andar.

En cumprimento do disposto no artigo 85.3 do Real decreto lexislativo 2/2011, do 5 de setembro, polo que se aproba o texto refundido da Lei de portos do Estado e da mariña mercante, faise público, para que as persoas e entidades interesadas poidan examinar o expediente e presentar por escrito as alegacións que consideren oportunas nos servizos centrais de Portos de Galicia, oficinas sitas na praza Europa 5 A 6º, polígono das Fontiñas, 15707 Santiago de Compostela, no prazo de vinte (20) días hábiles, contados a partir do seguinte ao de publicación do presente anuncio no Diario Oficial de Galicia. A documentación está á disposición na web portosdegalicia.gal.

Santiago de Compostela, 18 de xaneiro de 2018

José Juan Durán Hermida
Presidente de Portos de Galicia