Mediante a Resolución do 1 de xuño de 2017 convocouse a oitava edición dos premios Agader ás iniciativas de desenvolvemento rural e aprobáronse as súas bases reguladoras (DOG nº 110, do 12 de xuño).

Para financiar esta convocatoria existía un crédito de 80.000 € que se imputou ás contas orzamentarias 13 A1 712A 770.0 e 13 A1 712A 781.0.

O artigo 15 da Lei 9/2007, do 13 de xuño, de subvencións de Galicia, dispón que o órgano concedente publicará no Diario Oficial de Galicia as subvencións concedidas.

De acordo co anterior,

RESOLVO:

Publicar no Diario Oficial de Galicia o resultado da oitava edición dos premios Agader ás iniciativas de desenvolvemento rural, convocada pola Resolución do 1 de xuño de 2017.

Santiago de Compostela, 31 de xaneiro de 2018

Miguel Ángel Pérez Dubois
Director xeral da Axencia Galega de Desenvolvemento Rural

ANEXO

Premio	Beneficiaria	Finalidade da subvención	Importe
1º	Asociación Amicos	Centro de día da asociación Amicos	25.000 €
2º	Fabián Marcelo Calandria López	Vivenda comunitaria para maiores	15.000 €
3º	Federación Galega de Alzheimer	Programa Rede paraugas alzhéimer	12.000 €
4º	Lary A Cabaniña, S.L.	Establecemento de turismo rural	8.000 €
5º	Asociación Amigos do Museo Casa do Patrón	Museo etnográfico	5.000 €
Mozos/as	Banda de música xuvenil de Xinzo	A música, factor de desenvolvemento socio-económico na comarca do Condado	15.000 €