PO. Procedemento ordinario 288/2017

Procedemento de orixe: sobre ordinario

Demandantes: Juan Ramón Padín Varela, Luis Pérez Baloira, José Ángel Míguez Leiro

Avogada: María Elisa Otero Domínguez

Demandados: A Sampana Obras y Servicios, S.L.U., Fondo de Garantía Salarial, Excavaciones y Canalizaciones del Noroeste, S.L., Montelnor, S.C.G., Constructora Rías Bajas, S.A., Aman Vigo, S.L.

Avogados: letrado/a de Fogasa, Natalia Vieites Prego, Alberto Viejo López

Eu, Alberto López Luengo, letrado da Administración de xustiza do Xulgado do Social número 4 de Pontevedra, fago saber que mediante resolución ditada no día da data, no proceso seguido por instancia de Juan Ramón Padín Varela, Luis Pérez Baloira e José Ángel Míguez Leiro contra A Sampana Obras y Servicios, S.L.U., Fondo de Garantía Salarial, Montelnor, S.C.G., Constructora Rías Bajas, S.A. e Aman Vigo, S.L., en reclamación por ordinario, rexistrado co número de procedemento ordinario 288/2017, se acordou, en cumprimento do que dispón o artigo 59 da Lei reguladora da xurisdición social (LXS), citar a Excavaciones y Canalizaciones del Noroeste, S.L., en ignorado paradoiro, co fin de que compareza o día 1 de marzo de 2018, ás 12.00 e ás 12.05 horas, na planta 1, sala 1, do Edificio da Audiencia, para a celebración dos actos de conciliación e, de ser o caso, xuízo. Poderá comparecer persoalmente ou mediante persoa legalmente apoderada e deberá acudir con todos os medios de proba de que intente valerse, coa advertencia de que é única convocatoria e que os ditos actos non se suspenderán por falta inxustificada de asistencia.

Advírteselle á destinataria que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo no suposto da comunicación das resolucións que deban revestir forma de auto ou sentenza, ou cando se trate de emprazamento.

En caso de que pretenda comparecer ao acto do xuízo asistida de avogado ou representada tecnicamente por graduado social colexiado, ou representada por procurador, porá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, trasladada tal intención aos demandantes, poidan estes estar representados tecnicamente por graduado social colexiado ou representados por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de valerse no acto de xuízo de avogado, procurador ou graduado social colexiado.

Para que sirva de citación a Excavaciones y Canalizaciones del Noroeste, S.L., expídese esta cédula para a súa publicación no Diario Oficial de Galicia e colocación no taboleiro de anuncios.

Pontevedra, 19 de xaneiro de 2018

O letrado da Administración de xustiza