Mediante o Acordo do Pleno, do 1 de agosto de 2017, en sesión extraordinaria, foi aprobado definitivamente o Plan de sectorización do parque empresarial no solo apto para urbanizar de uso industrial SAU-1, o que se publica para os efectos do artigo 92.2 da Lei 9/2002, do 30 de decembro, de ordenación urbanística e protección do medio rural de Galicia en relación co disposto na disposición transitoria segunda da Lei 2/2016, do 10 de febreiro, do solo de Galicia.

Primeiro. Aprobar definitivamente o Plan de sectorización do parque empresarial no solo apto para urbanizar de uso industrial SAU-1, presentado por José Ramón Franco Caaveiro, en nome e representación de Fimoba, S.L. e redactado por Proyfe, S.L.

Segundo. Publicar a aprobación definitiva no Diario Oficial de Galicia, para os efectos do establecido no artigo 92.1 da Lei 9/2002, do 30 de decembro, de ordenación urbanística e protección do medio rural de Galicia. Esta publicación deberase realizar no prazo dun mes desde a adopción da aprobación definitiva.

Igualmente, publicarase a aprobación definitiva xunto coa normativa e as ordenanzas do Plan de sectorización no Boletín Oficial da provincia da Coruña. Todo isto en virtude do establecido no artigo 92.2 da Lei 9/2002, do 30 de decembro, de ordenación urbanística e protección do medio rural de Galicia.

Terceiro. Comunicarlle o acordo de aprobación definitiva, en virtude do artigo 92.3 da Lei 9/2002, do 30 de decembro, de ordenación urbanística e protección do medio rural de Galicia, para os efectos oportunos, á consellería competente en materia de urbanismo e ordenación do territorio, achegando unha copia autenticada de dous exemplares do plan aprobado definitivamente con todos os planos e documentos que integran o plan sobre os cales recaese acordo de aprobación definitiva, debidamente dilixenciados pola Secretaría do Concello.

Contra este acordo, que pon fin á vía administrativa, pódese interpor alternativamente o recurso de reposición potestativo, no prazo dun mes contado desde o día seguinte ao da publicación do presente anuncio, ante o Pleno do Concello de Moeche, de conformidade co artigo 112 da Lei 39/2015, do 1 de outubro, do procedemento administrativo común das administracións públicas, ou recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da publicación do presente anuncio, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se se opta por interpor o recurso de reposición potestativo, non poderá interpor recurso contencioso-administrativo ata que aquel sexa resolto expresamente ou se produza a súa desestimación por silencio. Todo isto sen prexuízo de que poida exercer calquera outro recurso que xulgue pertinente.

Moeche, 8 de xaneiro de 2018

Beatriz Bascoy Maceiras
Alcaldesa