Para os efectos previstos no artigo 21.1 da Lei 8/2013, do 28 de xuño, de estradas de Galicia, sométese ao trámite de información pública o proxecto de construción MSV no contorno de TCA na estrada PO-552, p.q. 10+600 a 13+800, de clave PO/17/140.06. A área de actuación sitúase entre os p.q. 10+600 e 13+800 da estrada PO-552, pertencente á Rede primaria básica de estradas de Galicia, nos termos municipais de Nigrán e Baiona, na provincia de Pontevedra.
Este proxecto ten por obxecto a formulación das actuacións necesarias para reducir ou evitar a accidentalidade no treito referenciado.
As obras previstas comprenden as seguintes actuacións:
– Rehabilitación e adecuación das interseccións que pertencen ao treito considerado (p.q. 10+740, 11+500, 11+870, 11+920, 11+960, 12+100, 12+540 e 12+650).
– Creación dunha glorieta na intersección no p.q. 12+350 da PO-552, resolvendo a alta sinistralidade que se dá neste punto.
– Acondicionamento do firme en diversos puntos quilométricos (11+385-11+670 e 11+800-12+175, 13+200, 13+300 e 13+440), incluíndo unha nova sinalización horizontal.
– Proxéctanse beirarrúas de baldosa hidráulica ou morteiro de asento onde a beirarrúa existente sexa destas características.
Considerando todo o exposto e o establecido na normativa vixente,
RESOLVO:
Primeiro. De acordo co establecido no artigo 21.1 da Lei 8/2013, do 28 de xuño, de estradas de Galicia, o proxecto de construción sométese ao trámite de información pública, durante un período de trinta días hábiles, contados a partir do seguinte ao da publicación deste anuncio no Diario Oficial de Galicia, para que as persoas que o consideren oportuno poidan formular por escrito, ante a Axencia Galega de Infraestruturas, as observacións que crean convenientes relativas á concepción global do trazado deseñado.
Segundo. Que, simultaneamente ao trámite sinalado no parágrafo anterior, e para os efectos previstos no artigo 56.1 do Regulamento de expropiación forzosa, se someta a información pública a relación individual de bens, dereitos e propietarios afectados pola realización da obra correspondente, para que os afectados presenten cantas alegacións ou rectificacións consideren convenientes en canto aos bens e dereitos descritos na relación anexa.
Terceiro. A exposición ao público, para os efectos da presente resolución, realízase na Axencia Galega de Infraestruturas (San Caetano, s/n, 15781 Santiago de Compostela), no Servizo de Infraestruturas de Pontevedra (r/ Fernández Ladreda, 43, 1º-4º, 36071 Pontevedra), e na Casa do Concello de Nigrán (praza da Constitución, s/n, 36350 Nigrán, Pontevedra). Así mesmo, na páxina web da Consellería de Infraestruturas e Vivenda (http://civ.xunta.gal/organizacion/c/CIV_Axencia_Galega_de_Infraestruturas), atópase a disposición dos interesados o documento completo do proxecto de construción.
Santiago de Compostela, 10 de xaneiro de 2018
Francisco Menéndez Iglesias
Director da Axencia Galega de Infraestruturas
ANEXO
Relación de bens, dereitos e propietarios afectados
Proxecto de construción
Plan de seguridade viaria de Galicia 2016-2020: MSV no contorno
de TCA estrada PO-552, p.q. 10+600 a 13+800
Clave: PO/17/140.06
Concello de Nigrán.
Nº |
Ref. catastral |
Titular |
Superficie a expropiar (m2) |
Clase |
Uso do solo |
1 |
5842513NG1654S0001OM |
María Esther Valverde Dasilva |
22 |
Urbano |
Sen edificar |
2 |
5839923NG1654S0001LM |
En investigación, artigo 47 Lei 33/2003 |
20 |
Urbano |
Sen edificar |
3 |
54035A071000580000HP |
David Estévez García Manuel Estévez García María Estévez García |
105 |
Rústico |
Agrario |
4 |
5734008NG1653S0001MY |
Herdeiros de Mª Marcelina Valverde Villar |
96 |
Urbano |
Residencial |