O 30 de novembro de 2017 a xefa territorial de Pontevedra ditou o acordo de inicio do expediente sancionador núm. 2017512AM-PO, incoado a Hotel Residencia O Pazo, con CIF B36802577.
Tras intentar a notificación deste acordo consonte o artigo 40 e seguintes da Lei 39/2015, do 1 de outubro, do procedemento administrativo común das administracións públicas, non puido practicarse, polo que mediante esta cédula se notificase a Hotel Residencia O Pazo o contido do dito acordo, que figura no anexo, segundo o disposto no artigo 44 da dita lei, para o seu coñecemento.
Así mesmo, fáiselle saber o dereito que o asiste, ao abeiro do disposto no artigo 76 da Lei 39/2015, do 1 de outubro, do procedemento administrativo común das administracións públicas, a presentar alegacións ante esta xefatura territorial no prazo de 15 días hábiles, contados desde o seguinte ao da publicación desta cédula, e lémbraselle o seu dereito a consultar o expediente, depositado nas dependencias desta xefatura, sita en Pontevedra, no Edificio Administrativo da Xunta de Galicia, avenida Fernández Ladreda, núm. 43-1º andar, e obter, se é o caso, copia del, segundo o previsto no artigo 53.1.a) da dita lei.
Notifícaselle tamén que, de non efectuar alegacións sobre o contido do dito acordo no citado prazo, o acordo de inicio poderá ser considerado proposta de resolución cando conteña un pronunciamento preciso acerca da responsabilidade imputada, consonte o artigo 64.2.f) da Lei 39/2015, do 1 de outubro.
Advírteselle de que antes da resolución do procedemento ten dereito ás reducións establecidas no artigo 85 da Lei 39/2015.
Esta cédula expídese para que conste e lle sirva de notificación ao interesado, en cumprimento do disposto no artigo 44 da Lei 39/2015, do 1 de outubro. Así mesmo, faise constar que a eficacia da notificación quedará supeditada á súa publicación no TEU do BOE.
Pontevedra, 21 de decembro de 2017
Ángeles Feijoo-Montenegro Fernández
Xefa territorial de Pontevedra
ANEXO
Número de expediente: 2017512AM-PO.
Denunciado: Hotel Residencia O Pazo.
CIF: B36802577.
Enderezo: r/ Campos, núm. 11, Matamá, 36213 Vigo.
Feito imputado: supostas infraccións en materia de sanidade ambiental.
Preceptos presuntamente infrinxidos:
Artigos 5 e 8 do Real decreto 865/2003, do 4 de xullo, polo que se establecen os criterios hixiénicos-sanitarios para a prevención e control da lexionelose.
Tipificación: unha infracción administrativa tipificada como grave no artigo 14.2.d) do Real decreto 865/2003, do 4 de xullo, polo que se establecen os criterios hixiénico-sanitarios para a prevención e control da lexionelose.
Sanción proposta: tres mil cinco euros con sete céntimos de euro (3.005,07 €).