Visto o expediente instruído para os efectos de transmisión da batea Blanco IX e da concesión administrativa que a ampara, resulta:

a) Antecedentes de feito.

Primeiro. Mediante escrito do 22 de decembro de 2017, José Benito Blanco Fernández e Josefa Romero Fernández, solicitan autorización para transmisión mortis causa mediante pacto de mellora da concesión administrativa e da batea Blanco IX.

Segundo. Os solicitantes presentaron toda a documentación requirida para a tramitación deste tipo de procedementos.

b) Consideracións legais e técnicas.

Primeira. Este órgano é competente para resolver o expediente de conformidade coa Lei 11/2008, do 3 de decembro, de pesca de Galicia (DOG número 243, do 16 de decembro), modificada pola Lei 6/2009, do 11 de decembro (DOG número 243, do 15 de decembro), e coa Orde do 8 de setembro de 2017 de delegación de competencias na Secretaría Xeral Técnica da Consellería do Mar, nas direccións xerais e xefaturas territoriais e na Presidencia do Consello de Administración do ente público Portos de Galicia.

Segunda. A Lei 2/2006, do 14 xuño, de dereito civil de Galicia (DOG número 124, do 29 de xuño), nos seus artigos 209 e seguintes, regula os pactos sucesorios como negocios mortis causa, e coa forma de pactos de apartación ou pactos de mellora.

Terceira. O expediente seguiu todos os trámites establecidos na Lei 39/2015, do 1 de outubro, do procedemento administrativo común das administracións públicas (BOE número 236, do 2 de outubro), coas especialidades previstas no Decreto 406/1996, do 7 de novembro, polo que se aproba o Regulamento de viveiros de cultivos mariños nas augas de Galicia (DOG número 228, do 21de novembro), e na Orde do 15 de xuño de 1999 pola que se regula o procedemento para a transmisión da titularidade das concesións das bateas de cultivos mariños nas augas de Galicia (DOG número 126, do 2 de xullo).

Vistas as disposicións citadas, esta consellería resolve:

Autorizar a transmisión mortis causa mediante pacto de mellora, a favor de Ana Cristina Blanco Romero (52452559R), da concesión administrativa e da batea que se indica a seguir:

Identificación:

Tipo: batea.

Nome: Blanco IX.

Ubicación:

Cuadrícula nº: 142.

Polígono: H.

Distrito: Caramiñal (A Coruña).

Especies autorizadas: Mexillón (Mytilus galloprovincialis).

Título administrativo habilitante: concesión de actividade.

Orde de outorgamento: 8.3.1967.

Remate da vixencia: 15.12.2019.

Actuais titulares: José Benito Blanco Fernández e Josefa Romero Fernández (35390768R- 76486846R) 100 % ganancial.

Nova titular: Ana Cristina Blanco Romero (52452559R) 100 % privativa.

A nova titular da concesión administrativa, queda subrogada nos dereitos e obrigas dos anteriores.

Contra a presente resolución, que esgota a vía administrativa, poderase interpoñer recurso potestativo de reposición no prazo dun mes ante a conselleira do Mar, ou recurso contencioso-administrativo ante a xurisdición contencioso-administrativa, que se interporá no prazo de dous meses, contado en ambos os dous casos desde o día seguinte ao da súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, e o artigo 46.1 da Lei 29/1998, do 13 de xullo, reguladora da xurisdición contencioso-administrativa.

A Coruña, 27 de decembro de 2017

A conselleira do Mar
P.D. (Resolución do 11.10.2017)
María José Cancelo Baquero
Xefa de Servizo de Recursos Mariños da Coruña