DOG 13 do 18/01/2018 - RESOLUCIÓN do 27 de decembro de 2017 pola que se fai pública a formalización do contrato suxeito a regulación harmonizada da subministración, instalación e posta en marcha de novas tecnoloxías nos centros públicos de atención a persoas maiores e con discapacidade, de titularidade e xestión propia da Xunta de Galicia, cofinanciado polo Fondo Europeo de Desenvolvemento Rexional no marco do Programa operativo 2014-2020, tramitación documentalmente simplificada (expediente PA 21-2017).

VI. Anuncios

a) Administración autonómica

Consellería de Política Social

RESOLUCIÓN do 27 de decembro de 2017 pola que se fai pública a formalización do contrato suxeito a regulación harmonizada da subministración, instalación e posta en marcha de novas tecnoloxías nos centros públicos de atención a persoas maiores e con discapacidade, de titularidade e xestión propia da Xunta de Galicia, cofinanciado polo Fondo Europeo de Desenvolvemento Rexional no marco do Programa operativo 2014-2020, tramitación documentalmente simplificada (expediente PA 21-2017).

En cumprimento do disposto no artigo 154 do Real decreto lexislativo 3/2011, do 14 de novembro, polo que se aproba o texto refundido da Lei de contratos do sector público, faise pública a formalización do seguinte contrato administrativo:

1. Contratación administrativa, por procedemento aberto, da subministración, instalación e posta en marcha de novas tecnoloxías nos centros públicos de atención a persoas maiores e con discapacidade, de titularidade e xestión propia da Xunta de Galicia.

1.1. Entidade adxudicadora:

a) Organismo: Consellería de Política Social.

b) Dependencia que tramitou o expediente: Dirección Xeral de Maiores e Persoas con Discapacidade.

c) Número de expediente: PA 21-2017.

d) Enderezo da internet do perfil do contratante:

http://www.contratosdegalicia.es/resultado.jsp?N=167832

1.2. Obxecto do contrato:

a) Tipo de contrato: subministración.

b) Descrición do obxecto: subministración, instalación e posta en marcha de novas tecnoloxías nos centros públicos de atención a persoas maiores e con discapacidade, de titularidade e xestión propia da Xunta de Galicia.

c) CPV: 30210000 (máquinas procesadoras de datos), 30230000 (equipo relacionado con la informática), 48900000 (paquetes de software e sistemas informáticos diversos).

d) Medio de publicación do anuncio de licitación: Diario Oficial de Galicia, Boletín Oficial del Estado e Diario Oficial de la Unión Europea.

e) Data de publicación do anuncio de licitación: 15 de xuño de 2017.

1.3. Tramitación, procedemento e forma de adxudicación:

a) Tramitación: ordinaria e documentalmente simplificada.

b) Procedemento: aberto.

1.4. Orzamento base de licitación:

Importe total: 711.370,49 € (IVE incluído).

1.5. Formalización:

a) Data: 14.12.2017.

b) Contratista: Electrónica Noroeste Servicios Generales SG, S.L.

c) Nacionalidade: española.

d) Importe de adxudicación: 590.437,51 € (IVE incluído).

Santiago de Compostela, 27 de decembro de 2017

O conselleiro de Política Social
P.D. (Orde do 3.3.2016)
Francisco Javier Abad Pardo
Secretario xeral técnico da Consellería de Política Social