Para os efectos previstos na Lei 24/2013, do 26 de decembro, do sector eléctrico, e no artigo 125 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, sométese a información pública a petición de autorización das instalacións eléctricas que se describen:

Solicitante: Eléctrica de Gres, S.L.

Domicilio social: r/ República Arxentina, 18, 6º dta., 15000 A Coruña.

Denominación: ampliación de potencia CT As Penedas.

Situación: Vila de Cruces.

Características técnicas: ampliación de potencia do centro de transformación As Penedas, situado en Gres, Vila de Cruces, a 250 kVA con RT 20 kV/400 V.

Todas aquelas persoas ou entidades que se consideren afectadas poderán presentar as súas alegacións nesta xefatura territorial, Edificio Administrativo avenida Fernández Ladreda, nº 43, 5º, no prazo de vinte días. Así mesmo, e durante o mencionado prazo, tamén se poderá examinar o proxecto da instalación.

Pontevedra, 16 de agosto de 2016

Ignacio Rial Santomé
Xefe territorial de Pontevedra