Eu, M. Asunción Barrio Calle, letrada da Administración de xustiza da Sección Primeira desta Sala do Social do Tribunal Superior de Xustiza da Coruña, fago saber que no procedemento de recurso de suplicación 2406/2017 desta sección, seguidos por instancia de UTE Lavacolla contra a empresa Instituto Nacional da Seguridade Social, Tesouraría Xeral da Seguridade Social, Tecnología de la Construcción, S.A. (Teconsa), Corsan-Corviam, Construcción, S.A., Hermanos Malvar Vázquez Construcciones, S.L., Copcisa, S.A., Pablo Figueira Martínez, administración concursal de Hermanos Malvar Construcciones, S.L. (Enrique Fonterigo Quiñones), sobre recarga de accidente, se ditou resolución, cuxa parte dispositiva é a seguinte:

«Que desestimando o recurso de suplicación interposto por UTE Lavacolla (Corsan Corviam, Contrucción, S.A., Copcisa, S.A., Tecnología de la Contrucción, S.A.), contra a sentenza de data 15 de marzo de 2017, ditada polo Xulgado do Social número 3 da Coruña, nos presentes autos 791/2014, tramitados por instancia das empresas recorrentes fronte aos demandados o traballador Pablo Figueira Martínez, o INSS e TXSS, e a empresa Hermanos Malvar Vázquez Construcciones, S.L., a súa administración concursal, debemos confirmar e confirmamos a devandita sentenza, con imposición á UTE recorrente das custas causadas no recurso, que incluirán a cantidade de 600 € en concepto de honorarios do letrado da parte impugnante. Dese aos depósitos e consignacións constituídos para recorrer o destino legal.

Notifíquese esta resolución ás partes e á Fiscalía do Tribunal Superior de Xustiza de Galicia.

Modo de impugnación: faise saber ás partes que contra esta sentenza cabe interpoñer recurso de casación para unificación de doutrina que ha de prepararse mediante escrito presentado ante esta sala dentro do improrrogable prazo de dez días hábiles inmediatos seguintes á data de notificación da sentenza. Se o recorrente non tivese a condición de traballador ou beneficiario do réxime público da Seguridade Social deberá efectuar:

– O depósito de 600 € na conta de 16 díxitos desta sala, aberta no Banco de Santander (Banesto) co nº 1552 0000 35 seguida de catro díxitos correspondentes ao número do recurso e dous díxitos do ano deste.

– Así mesmo, se hai cantidade de condena deberá consignala na mesma conta, pero co código 80 en vez do 35 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “observacións ou concepto da transferencia” os 16 díxitos que corresponden ao procedemento (1552 0000 80 ou 35 **** ++).

Unha vez firme, expídase certificación para constancia na peza que se arquivará neste tribunal incorporándose o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta nosa sentencia, pronunciámolo, mandamos e asinamos».

E para que sirva de notificación en legal forma a Tecnología de la Construcción, S.A. (Teconsa), Hermanos Malvar Vázquez Construcciones, S.L., en ignorado paradoiro, expido este edicto para a súa inserción no Diario Oficial de Galicia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

A Coruña, 17 de novembro de 2017

A letrada da Administración de xustiza