De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade á seguinte encomenda coas seguintes características:

– Resolución do 23 de novembro de 2017, da Consellería do Mar, pola que se lle encarga ao medio propio Fundación Centro Tecnolóxico do Mar (Cetmar) a prestación do servizo de oficina técnica para o seguimento do expediente Civil Uavs Iniatitive, fase II: seguridade marítima, (CUI RFP-B MAR-1) Reforzo da seguridade marítima da frota pesqueira galega e das actividades de seguimento da súa actividade.

– Actividade: realización das actuacións relativas á execución polo Cetmar de accións de apoio á Consellería do Mar que teñen como finalidade última a prestación do servizo de oficina técnica para o seguimento do dito expediente de compra pública de innovación.

– Natureza e alcance da xestión encomendada: encomenda de xestión a medios propios ao ter a Fundación Centro Tecnolóxico do Mar (Cetmar) a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10 e 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.

– Prazo de vixencia: ata o 30 de xuño de 2020.

– Financiamento: tramitouse con cargo aos orzamentos da Comunidade Autónoma de Galicia na aplicación orzamentaria 14.03.723A.604.1 e foi cofinanciada polo Fondo Europeo Marítimo e de Pesca nun 75 % (medida asistencia técnica).

Santiago de Compostela, 28 de novembro de 2017

Mª Isabel Concheiro Rodríguez-Segade
Secretaria xeral técnica da Consellería do Mar