Eu, María Teresa Vázquez Abades, letrada da Administración de xustiza do Xulgado do Social número 1 de Santiago de Compostela, fago saber que no procedemento ordinario 692/2015 deste xulgado do social, seguido por instancia de Ángela Peón Fiuza contra Juan Jesús Banet López de Rego, Verdes Naturales de Galicia, S.L., con citación do Fogasa sobre ordinario, se ditou decreto de data 20 de novembro de 2017 co número 653/2017 cuxa parte dispositiva é do tenor literal seguinte:

«Parte dispositiva.

Acordo: apróbase a conciliación alcanzada entre as partes, nos termos expresados na comparecencia previa a esta resolución.

Tense por desistida á demandante da demanda fronte a Verdes Naturales de Galicia, S.L.

Arquívense as actuacións sen máis trámites.

Notifíquese a presente resolución e á demandada Verdes Naturales de Galicia por medio de edictos no Diario Oficial de Galicia e no taboleiro de anuncios deste xulgado, facendo saber ás partes que a acción para impugnar a validez da conciliación se exercitará ante este mesmo órgano, polos trámites e cos recursos establecidos na LXS. A acción caducará aos trinta días da data da súa celebración. Para os terceiros prexudicados o prazo contará desde que puidesen coñecer o acordo. As partes poderán exercitar a acción de nulidade polas causas que invalidan os contratos e a impugnación polos posibles terceiros prexudicados poderá fundamentarse en ilegalidade ou lesividade.

Modo de impugnación: mediante recurso de reposición a interpoñer ante quen dita esta resolución, no prazo de tres días hábiles seguintes á súa notificación con expresión da infracción que a xuízo do recorrente contén aquela, sen que a interposición do recurso teña efectos suspensivos con respecto á resolución impugnada.

A letrada da Administración de xustiza».

E para que sirva de notificación en legal forma a Verdes Naturales de Galicia, S.L., en ignorado paradoiro, expido este edicto para a súa inserción no Diario Oficial de Galicia e no taboleiro de anuncios deste xulgado.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, salvo o suposto da comunicación das resolucións que deban revestir forma de auto ou sentenza, ou cando se trate de emprazamento.

Santiago de Compostela, 20 de novembro de 2017

A letrada da Administración de xustiza