No Xulgado do Contencioso-Administrativo número 1 de Pontevedra tramítase o recurso 294/2017-LO (procedemento abreviado), interposto por Natalia Barros Fondevila contra a desestimación do recurso de reposición interposto contra a Resolución do 3 de maio de 2017, da Dirección Xeral de Recursos Humanos, pola que se publica a orde de prelación e a puntuación definitiva obtidas polas persoas aspirantes admitidas no proceso de actualización das listas de selección temporal de diversas categorías de persoal estatutario (DOG nº 94, do 18 de maio).

Categoría: enfermeiro/a especialista en enfermararía do traballo.

Acceso: selección temporal.

Ámbito: autonómico.

Apartado: experiencia.

O que se notifica para xeral coñecemento de todas as persoas interesadas no procedemento, que son emprazadas para que poidan comparecer como parte no citado xulgado no prazo de nove días, de conformidade co previsto no artigo 49 da Lei 29/1998, do 13 de xullo, reguladora da xurisdición contencioso-administrativa.

Santiago de Compostela, 17 de novembro de 2017

Margarita Prado Vaamonde
Directora xeral de Recursos Humanos