De conformidade co disposto nos artigos 44 e 46 da Lei 39/2015 (BOE núm. 236, do 2 de outubro), do procedemento administrativo común das administracións públicas, notifícase a Oystein Midtsundstad, mediante a publicación no Boletín Oficial del Estado, o Acordo do 4 de outubro de 2017 da Presidencia da entidade pública Portos de Galicia, que inicia procedemento para a declaración de abandono do barco que se cita, varado no porto de Camariñas, por non ser posible a notificación no domicilio.
Así mesmo, este anuncio publicarase no Diario Oficial de Galicia, ben que a eficacia do acto notificado quedará supeditada á súa publicación no Boletín Oficial del Estado.
O acordo emítese, por atoparse a embarcación varada sen actividade ningunha desde hai uns 5 anos, con base no establecido no artigo 302 do Real decreto lexislativo 2/2011 (BOE núm. 253, do 20 de outubro), que aproba o texto refundido da Lei de portos do Estado e da mariña mercante, e na regra decimoquinta de aplicación á tarifa portuaria E-2, prevista na Lei 6/2003 (DOG núm. 240, do 11 de decembro).
O órgano competente para a resolución deste procedemento é o presidente de Portos de Galicia, en virtude das competencias conferidas polo artigo 6.3, alíneas a) e l), da Lei 5/1994, do 29 de novembro, de creación de portos de Galicia.
A instrución do procedemento recae en Jesús Javier Fernández Barro, xefe da División Xurídica de Portos de Galicia, e o seu réxime de recusación é o consignado no artigo 24 da Lei 40/2015 (BOE núm. 236, do 2 de outubro), de réxime xurídico do sector público.
Outorgase ao propietario da embarcación un prazo máximo de 10 días para formular alegacións.
Advírtese que, de acordo coa normativa máis arriba citada, chegado o termo de declarar o barco abandonado, todo os custos de tramitación ou que xeren as actuacións que se realicen sobre o barco en función do que resulte da avaliación do seu estado serán á custa do propietario.
Para o seu exame, o expediente está nas dependencias dos servizos centrais de Portos de Galicia, en Área Central, praza de Europa, 5-A, 6º, Santiago de Compostela.
Santiago de Compostela, 14 de novembro de 2017
José Juan Durán Hermida
Presidente de Portos de Galicia