A Xunta de Goberno Local do Concello de Ames, en sesión que tivo lugar o día 19 de outubro de 2017, acordou a aprobación inicial da modificación puntual do Plan parcial S-05 As Cortes-A Condomiña.

De conformidade co establecido no artigo 75 da Lei 2/2016, do 10 de febreiro, do solo de Galicia, sométese a información pública polo prazo de dous meses, contados a partir da última publicación deste anuncio no Diario Oficial de Galicia e nun dos xornais de maior difusión da provincia e na páxina web do Concello.

Durante o dito prazo o expediente poderá ser examinado por calquera interesado nas dependencias municipais (Departamento de Urbanismo), situadas na rúa Alcalde Lorenzo, nº 2, 1º, Bertamiráns, das 9.00 ás 14.00 horas, e poderanse formular as alegacións que se consideren pertinentes.

Ames, 7 de novembro de 2017

José M. Miñones Conde
Alcalde