O Concello Pleno, en sesión ordinaria do día 6 de outubro do ano 2017, adoptou, entre outros, o seguinte acordo:

4.6. Modificación puntual do PEPRI do núcleo histórico para permitir a execución do proxecto do Museo Arqueolóxico. Aprobación definitiva.

O Pleno do Concello, por unanimidade dos presentes, adoptou o seguinte acordo:

Aprobar definitivamente a modificación puntual do PEPRI do núcleo histórico de Ourense para permitir a execución do proxecto de rehabilitación do Museo Arqueolóxico de Ourense, redactada por Alejandro Virseda Aizpún, Ignacio Vila Almazán, José Jaraíz Pérez e Arbau Arquitectos, S.L.P. UTE, de acordo co documento de aprobación definitiva (DAD), presentado o 14 de setembro de 2017, que recolle as correccións exixidas no informe preceptivo previo a esta aprobación pola Dirección Xeral de Ordenación do Territorio e Urbanismo da Consellería de Medio Ambiente e Ordenación do Territorio da Xunta de Galicia.

Os enderezos electrónicos en que figurará o contido íntegro do plan á disposición do público serán www.ourense.gal/urbanismo e www.planeamentourbanistico.xunta.es

Con data 30 de outubro de 2017 recibiu o expediente a Consellería de Medio Ambiente e Ordenación do Territorio para a súa inscripción no Rexistro de Planeamento Urbanístico.

O que se fai público de conformidade co disposto no artigo 82 da Lei 2/2016, do 10 de febreiro, do solo de Galicia.

Ourense, 31 de outubro de 2017

Jesús Vázquez Abad
Alcalde presidente