A entidade pública Augas de Galicia procede a dar publicidade da formalización da seguinte encomenda de xestión realizada, ao abeiro do artigo 10 da Lei 16/2012, do 17 de decembro, de organización e funcionamento da Administración xeral e do sector público autonómico de Galicia, a unha empresa pública, en cumprimento do disposto no artigo 8 da Lei 19/2013, do 9 de decembro, de transparencia, acceso á información pública e bo goberno, e demais normativa que resulta de aplicación na materia:

1. Datos xerais.

Entidade encomendante: Augas de Galicia.

Dependencia que tramita o expediente: Contratación.

Actuación: servizo.

Tipo de tramitación: encomenda de xestión á empresa como medio propio instrumental e servizo técnico do poder adxudicador.

Entidade encomendataria: empresa Tecnologías y Servicios Agrarios, S.A.

2. Encomenda de xestión.

Título: servizo de información e orientación dos usuarios que acceden aos servizos centrais da entidade pública empresarial Augas de Galicia.

Clave do expediente: OH.915.1144.

Descrición do obxecto: os traballos que se van executar consisten na prestación dos servizos de apoio no edificio dos servizos centrais de Augas de Galicia, para o control de acceso, a atención ao público para a súa información e outras tarefas.

Orzamento: importe neto: 53.481,34 euros. Importe total: 64.712,42 euros.

Data de formalización: 2 de novembro de 2017.

Prazo de duración: 12 meses con previsión de prórroga/s ata un máximo de 12 meses.

Santiago de Compostela, 9 de novembro de 2017

Roberto Rodríguez Martínez
Director de Augas de Galicia