O Pleno da Corporación, na sesión ordinaria que tivo lugar o día 19 de outubro de 2017, adoptou entre outros, o seguinte acordo:
«– Aprobar definitivamente o estudo de detalle da parcela N4a01c do parque empresarial da Sionlla (SUND-40), promovido por Terras do Sar, S.L., segundo o proxecto presentado o 29 de xuño de 2017.
O presente acordo notificarase persoalmente aos interesados e publicarase no Diario Oficial de Galicia. Unha vez publicado o acordo, remitirase á Consellería de Medio Ambiente e Ordenación do Territorio a documentación exixida polo artigo 88.3 da LSG, para os efectos de inscribir o estudo de detalle no Rexistro de Planeamento Urbanístico de Galicia.
Logo de que conste a inscripción no Rexistro, procederase a publicar a normativa no Boletín Oficial da provincia».
Contra o acordo da aprobación definitiva do citado estudo de detalle poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ao da publicación deste anuncio.
Santiago de Compostela, 26 de outubro de 2017
O alcalde
P.D. (Decreto DEC/4282/2017, do 28.6.2017)
Jorge Duarte Vázquez
Concelleiro delegado de Espazos Cidadáns, Dereito á Vivenda,
Mobilidade e Relacións Veciñais