De conformidade co establecido nas directrices de ordenación do territorio de Galicia aprobadas definitivamente polo Consello da Xunta de Galicia mediante o Decreto 19/2011, do 10 de febreiro; no artigo 25 da Lei 10/1995, do 23 de novembro, de ordenación do territorio de Galicia, e nos artigos 6, 13 e 14 do Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal, sométese a información pública a modificación número 1 do Plan sectorial de ordenación de áreas empresariais na Comunidade Autónoma de Galicia, durante o prazo dun mes contado a partir da publicación deste anuncio no Diario Oficial de Galicia.
Durante o prazo referido, calquera persoa poderá examinar a dita documentación, en horario de oficina, nas dependencias do Instituto Galego da Vivenda e Solo (IGVS), sitas no polígono das Fontiñas, Área Central, s/n, en Santiago de Compostela, e nos concellos de Cambre, Cerceda, Palas de Rei, Ourense, Cangas, Bueu e Moaña, e presentar ante o IGVS as alegacións, documentos e xustificacións que xulgue pertinentes. Así mesmo, a documentación poderase consultar na páxina web do IGVS (http://igvs.xunta.es).
Santiago de Compostela, 26 de outubro de 2017
Heriberto García Porto
Director xeral do Instituto Galego da Vivenda e Solo