A Xerencia de Xestión Integrada de Santiago de Compostela, en cumprimento do establecido na Resolución do 25 de abril de 2017, da Dirección Xeral de Recursos Humanos, pola que se dispón a publicación do Plan de estabilidade do emprego e provisión de prazas do persoal estatutario (DOG nº 85, do 4 de maio), de conformidade co establecido no artigo 67 do Decreto 206/2005, da Consellería de Sanidade da Xunta de Galicia (DOG nº 145, do 29 de xullo), de provisión de prazas de persoal estatutario do Servizo Galego de Saúde, e en virtude das competencias atribuídas polo Decreto 43/2013, do 21 de febreiro (DOG nº 47, do 7 de marzo), polo que se establece a estrutura orgánica dos servicios centrais do Servizo Galego de Saude, modificado polo Decreto 111/2013, do 4 de xullo (DOG nº 140, do 24 de xullo), e na Orde do 22 de xullo de 2011 (DOG nº 146, do 1 de agosto) pola que se desenvolve a estrutura organizativa de xestión integrada da Coruña e de Santiago de Compostela, así como pola Orde do 5 de xullo de 2012 (DOG nº 139, do 20 de xullo), sobre delegación de competencias en órganos centrais e periféricos do Servicio Galego de Saúde,

RESOLVE:

Primeiro. Proceder ao anuncio da convocatoria para cubrir, mediante vinculación temporal, as prazas de facultativo especialista de área que se relacionan no anexo.

Segundo. As solicitudes para participar na presente convocatoria xunto coa documentación a que se refiren as súas bases presentaranse, dirixidas á Xerencia de Xestión Integrada de Santiago de Compostela, no Rexistro Xeral da dita xerencia, sito na travesía da Choupana, s/n, 15706 Santiago de Compostela, ou a través de calquera dos rexistros previstos no artigo 16 da Lei 39/2015, do 1 de outubro, do procedemento administrativo común das administracións públicas, no prazo de quince (15) días hábiles, contados a partir do seguinte ao da publicación do presente anuncio da convocatoria no Diario Oficial de Galicia.

Terceiro. As bases íntegras da convocatoria estarán expostas nos taboleiros de anuncios dos centros hospitalarios dependentes da Xerencia de Xestión Integrada de Santiago de Compostela, no Punto de Atención ao Traballador (PAT) da Dirección de Recursos Humanos e na intranet da Xerencia de Xestión Integrada de Santiago de Compostela, así como na páxina web do Servizo Galego de Saúde (www.sergas.es).

Santiago de Compostela, 11 de setembro de 2017

Eloína Núñez Masid
Xerente de Xestión Integrada de Santiago de Compostela

ANEXO

Especialidade	Prazas	Tipo de nomeamento	Centro
Análises clínicas	1	Interinidade en praza vacante	Complexo Hospitalario Universitario de Santiago de Compostela
Anestesia e reanimación	1	Substitución	Complexo Hospitalario Universitario de Santiago de Compostela
Cirurxía xeral e do aparello dixestivo	1	Interinidade en praza vacante	Complexo Hospitalario Universitario de Santiago de Compostela
Cirurxía xeral e do aparello dixestivo	2	Substitución	Hospital da Barbanza
Cirurxía ortopédica e traumatoloxía	1	Substitución	Hospital da Barbanza
Farmacia hospitalaria	1	Substitución	Hospital da Barbanza
Nefroloxía	1	Interinidade en praza vacante	Hospital da Barbanza
Medicina interna	4	Interinidade en praza vacante	Complexo Hospitalario Universitario de Santiago de Compostela
Pneumoloxía	1	Interinidade en praza vacante	Complexo Hospitalario Universitario de Santiago de Compostela
Psiquiatría	2	Interinidade en praza vacante	Complexo Hospitalario Universitario de Santiago de Compostela
Psiquiatría	1	Substitución	Complexo Hospitalario Universitario de Santiago de Compostela