Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 206 Luns, 30 de outubro de 2017 Páx. 50510

V. Administración de xustiza

Xulgado do Social número 2 de Santiago de Compostela

EDICTO (631/2013).

Marina Pilar García de Evan, letrada da Administración de xustiza do Xulgado do Social número 2 de Santiago de Compostela, fai saber que no procedemento ordinario 631/2013 deste xulgado do social, seguido por instancia de Manuel Bertrand Pérez Peña e Laureano Bello Pita contra Neo Energy Solutions, S.L., Servicios de Ingeniería y Montajes Alén, Raan Logisti, Fondo de Garantía Salarial (Fogasa) sobre ordinario, se ditou a seguinte resolución:

«Que se declara desistido a Manuel Bertrand Pérez Peña.

Debo estimar a demanda presentada fronte ás entidades Servicios de Ingeniería y Montaje Alén, S.L., Mauro Antonio Puga Martínez en calidade de administrador da citada entidade, Neo Energy Solutions, S.L., Raan Logisti e Fogasa, e absólvoas das pretensións formuladas na súa contra.

Debo estimar a demanda presentada por instancia de Manuel Bertrand Pérez Peña, que non comparece malia estar citado, de Laureano Bello Pita, asistido pola letrada Sra. Freire Dosil, contra as entidades Servicios de Ingeniería y Montaje Alén, S.L., Mauro Antonio Puga Martínez en calidade de administrador da citada entidade, Neo Energy Solutions, S.L., Raan Logisti e Fogasa, que non comparecen malia estaren debidamente citados, sobre reclamación de cantidade, e debo condenar as entidades demandadas ao aboamento ao demandante da cantidade de 7.250 euros en concepto de salarios de maio e xuño de 2012 e paga extraordinaria de xuño de 2012, e 265,83 euros en concepto de gastos, máis os xuros previstos no artigo 29.3 do ET sobre a dita cantidade, devindicados desde a data de presentación da papeleta de conciliación (STS 17.6.2014) ata a presente resolución, e os do artigo 576 da LAC a partir da presente resolución.

Debo condenar a Mauro Antonio Puga Martínez en calidade de administrador da entidade Servicios de Ingeniería y Montaje Alén, S.L. a se ater a esta declaración.

Debo absolver e absolvo o Fogasa sen prexuízo da súa responsabilidade subsidiaria nos casos previstos no artigo 33 do Estatuto dos traballadores.

Notifíquese ás partes a presente resolución.

Modo de impugnación. Advírtense as partes de que contra a presente resolución poderán interpor recurso de suplicación ante o Tribunal Superior de Xustiza, que deberá ser anunciado por comparecencia, ou mediante escrito presentado na oficina xudicial dentro dos cinco días seguintes ao da notificación desta sentenza, ou por simple manifestación no momento en que se lle practique a notificación. Advírtase igualmente o recorrente que non sexa traballador ou beneficiario do réxime público da Seguridade Social, ou habente causa seu, ou non teña recoñecido o beneficio de xustiza gratuíta, que deberá depositar a cantidade de 300 euros na conta aberta en Banesto a nome desta oficina xudicial, co núm. 1596 clave 65, e indicar no campo concepto “recurso”, seguido do código “34 Social Suplicación”, acreditando mediante a presentación do xustificante de ingreso no período comprendido ata a formalización do recurso, así como, en caso de ter sido condenado en sentenza ao pagamento dalgunha cantidade, deberá consignar na conta de depósitos e consignacións aberta a cantidade obxecto de condena, ou formalizar aval bancario a primeiro requirimento indefinido pola dita cantidade, no cal se faga constar a responsabilidade solidaria do avalista, e incorporalos a esta oficina xudicial co anuncio do recurso. En todo caso, o recorrente deberá designar letrado para a tramitación do recurso, no momento de anuncialo.

A anterior resolución entregaráselle ao letrado da Administración de xustiza para a súa custodia e incorporación ao libro de sentenzas. Insírase nas actuacións por medio de testemuño.

Por esta miña sentenza, xulgando definitivamente na primeira instancia, pronúncioo, mándoo e asínoo».

E para que sirva de notificación en legal forma a Neo Energy Solutions, S.L., Servicios de Ingeniería y Montajes Alén, S.L., Raan Logisti, en ignorado paradoiro, expido este edicto para a súa inserción no boletín oficial correspondente.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

Santiago de Compostela, 6 de outubro de 2017

A letrada da Administración de xustiza