O Pleno do Concello de Lalín, na sesión do día 6 de setembro de 2017, acordou aprobar inicialmente o expediente de modificación puntual nº 15 do Plan xeral de ordenación municipal (PXOM) de Lalín.

De acordo co disposto no artigo 60.6 da Lei 2/2016, do 10 de febreiro, do solo de Galicia, sométese o expediente á información pública, durante un prazo de dous (2) meses, mediante anuncio publicado nun dos xornais de maior difusión na provincia e no Diario Oficial de Galicia.

O prazo dos dous meses comezará a contar desde o día seguinte ao da publicación do presente anuncio no Diario Oficial de Galicia.

Durante o citado período, o expediente quedará, con todos os documentos que o integran, á disposición de calquera persoa que queira examinalo para os efectos de poder presentar as alegacións que se consideren pertinentes.

O Concello trasladará a documentación ao órgano autonómico competente en materia de urbanismo, o cal realizará as consultas previstas no documento de alcance do estudo ambiental estratéxico, dará audiencia aos municipios limítrofes e solicitará os informes sectoriais autonómicos preceptivos, que deberán ser emitidos no prazo de tres meses, transcorrido o cal se entenderán emitidos con carácter favorable, segundo o disposto no artigo 60.7 da Lei 2/2016.

Así mesmo, o Concello solicitará os informes correspondentes dos organismos estatais, que deberán ser emitidos de acordo co disposto na normativa de aplicación.

Lalín, 3 de outubro de 2017

O alcalde
P.D. (Decreto do 29.6.2015)
Nicolás González Casares
Concelleiro delegado de Urbanismo