O Pleno da corporación, en sesión ordinaria que tivo lugar o día 29.6.2017, acordou aprobar inicialmente o expediente número 22/2016.PMP de modificación puntual das normas subsidiarias para a apertura da avenida Baldomero González no seu encontro coa travesía de Arteixo no ámbito da UA 62, segundo o proxecto redactado por Fernando Pousada García, S.L.P., asinado en data maio de 2017.

Así mesmo, acordouse a suspensión do outorgamento de licenzas no ámbito delimitado polas parcelas catastrais 0147519NH4904N0001PG (2.676 m²) e 0147521NH490N0000MF, 01475116NH4904N0001YG, 0147522NH4904N0000OF e 0147520NH4904N0001GG (1.856 m²).

En virtude do disposto polo artigo 60 da Lei 2/2016, do 10 de febreiro, do solo de Galicia, e polo artigo 144 do Decreto 143/2016, do 22 de setembro, polo que se aproba o Regulamento da Lei 2/2016, o expediente de referencia queda sometido a información pública durante o prazo de dous meses, contados a partir do día seguinte a aquel en que se produza a presente publicación no Diario Oficial de Galicia.

Durante o dito prazo as persoas interesadas poderán examinar o seu contido no Departamento de Urbanismo do Concello de Arteixo (praza Alcalde Ramón Dopico, nº 1, Arteixo), de luns a venres, das 9.00 ás 14.00 horas, e presentar alegacións se o consideran oportuno.

O contido íntegro da modificación puntual pódese consultar no seguinte enderezo electrónico: http://www.arteixo.org/gl/noticia/modificacion-puntual-das-nnss-para-apertura-da-avda-baldomero-gonzalez.

Arteixo, 26 de setembro de 2017

O alcalde
P.D. (Decreto nº 1336, do 6.7.2015)
Luis Alberto Castro Calvete
Concelleiro do Departamento de Urbanismo e Medio Ambiente